اقتاۋ قالاسىنداعى نازارباەۆ زيياتكەرلٸك مەكتەبٸنٸڭ 10 وقۋشىسى قاڭتاردىڭ 31-ٸ مەن اقپاننىڭ 1-ٸ ارالىعىندا ليوندا ٶتكەن بٸرٸككەن ۇلتتار ۇيىمىنىڭ مودەلٸ حالىقارالىق كونفەرەنتسيياسىنا قاتىسىپ قايتتى. «سۋ: ٶزگەرٸستەرگە قۇلشىنىس» تاقىرىبىندا ٶتكەن جيىنعا يزرايل, ۇلىبريتانييا, قازاقستان مەن فرانتسييادان 350 جوعارى سىنىپ وقۋشىلارى جەنە 50 ستۋدەنت قاتىستى, – دەپ حابارلايدى نزم باسپاسٶز قىزمەتٸ.
ليوندا سەگٸزٸنشٸ رەت ٶتكەن شارانى ليونداعى حالىقارالىق مەكتەپ پەن سكولە حالىقارالىق ۋنيۆەرسيتەتٸ ستۋدەنتتەرٸ ۇيىمداستىرعان. كٶشباسشىلاردىڭ باسىن قوسقان جيىنعا نۇركامال اليحان, قۇرالاي سانات, ايدانا باكيتوۆا كەمشات اقمۇراتوۆا ميرلانبەك شانشاروۆ, اقبوتا الپامىسوۆا, دانا ەسبەرگەنوۆا, اقجٸبەك ساعىندىققىزى, حيسامي توميريس ەسٸمدٸ وقۋشىلار قاتىسىپ, سۋ تاقىرىبىنداعى ٶزەكتٸ مەسەلەلەردٸ شەشۋگە ارنالعان رەزوليۋتسييالاردى قابىلدادى.
«بۇۇ 2015 جىلى 17 تۇراقتى دامۋ ماقساتىن ايقىندادى. ILYMUN كونفەرەنتسيچسى وسى جولى 6 –شى (سۋ جەنە سانيتارييا) جەنە 14-شٸ (سۋ ٶمٸرٸ) ماقساتتارىنا توقتالدى. قازٸرگٸ تاڭدا سۋ مەسەلەسٸ دٷنيە جٷزٸن الاڭداتىپ وتىر. جەر بەتٸندەگٸ دەموگرافييانىڭ ٶسۋٸ جەنە جاھاندىق جىلىنۋ جەنە سۋ كٶزدەرٸنٸڭ قۇرعاپ قالۋى بۇل تاقىرىپتىڭ ٶزەكتٸلٸگٸن ارتتىرىپ وتىر. سونىڭ نەتيجەسٸندە جاڭا تيپتەگٸ حالىقارالىق كونفليكتٸلەر تۋىنداۋدا. كونفەرەنتسييا بارىسىندا دەلەگاتتار ٶز ەلٸنٸڭ قىزىعۋشىلىقتارىن ەسكەرە وتىرىپ, مەسەلەنٸڭ شەشٸمٸن تابۋى تيٸس» دەلٸنگەن كونفەرەنتسييانىڭ رەسمي مەلٸمدەمەسٸندە.
ال اقتاۋلىق وقۋشىلار اتالعان جيىنعا تۇڭعىش رەت قاتىستى.
- كونفەرەنتسييا بارىسىندا بٸزدەر عالامدىق پروبلەمالاردى شەشۋگە ارنالعان رەزوليۋتسييالاردى قابىلدادىق. بۇل مەنٸڭ تۇلعالىق دامۋىما ٷلكەن سەپتٸگٸن تيگٸزدٸ دەپ ويلايمىن. سەبەبٸ, مەن تابيعات-اناعا دەگەن جاۋاپكەرشٸلٸكتٸ سەزٸنٸپ, كوماندادا جۇمىس جاساۋ قابٸلەتٸمدٸ ارتتىردىم. ەكٸنشٸدەن, مەن تۇڭعىش رەت مۋلتيكۋلتۋراليزم تٷسٸنٸگٸمەن بەتپە-بەت كەلدٸم. جيىندا اعىلشىن تٸلٸندە سٶيلەگەنٸمٸزبەن, گرەك, فرانتسۋز, يرلان تٸلدەرٸن دە ەستٸپ جاتتىم, - دەيدٸ تۇششى سۋ رەسۋرستارىن قولدانۋ جەنە ساقتاۋ تۋرالى بايانداما وقىعان توميريس حيسامي.
ايتا كەتەيٸك, اقتاۋ قالاسىنداعى نازارباەۆ زيياتكەرلٸك مەكتەبٸندە بۇۇ مودەلٸ كلۋبى 2018 جىلدان بەرٸ جۇمىس ٸستەپ كەلەدٸ. بۇل كلۋبتا جوعارى سىنىپ وقۋشىلارى ەلەمدەگٸ ەڭ ماڭىزدى ۇيىم سانالاتىن بٸرٸككەن ۇلتتار ۇيىمىنىڭ سيمۋليياتسيياسىن جاساپ, عالامدىق پروبلەمالاردى ديپلوماتييالىق تۇرعىدا شەشۋ جولدارىن ٸزدەيدٸ. وسىلاي بٸلٸم ورداسىنىڭ ۇجىمى زيياتكەرلٸك مەكتەپ وقۋشىلارىنا ديپلوماتييا, كٶشباسشىلىق, كٶپشٸلٸك الدىندا سٶيلەۋ, سىني ويلاۋ قابٸلەتتەرٸن دامىتۋعا كٷش سالىپ وتىر.
بۇۇ مودەلٸ كونفەرەنتسيياسى ەندٸ 2020 جىلدىڭ 23-24 ناۋرىزىندا اقتاۋ قالاسىنداعى نازارباەۆ زيياتكەرلٸك مەكتەبٸندە ۇيىمداستىرىلماق.
