بٷگٸن ماڭعىستاۋ وبلىسىنىڭ ەكٸمٸ نۇرلان نوعاەۆ شاحماتتان ٶتكەن ەلەم چەمپيوناتىندا جەڭٸمپاز اتانعان بيبٸسارا اساۋباەۆا مەن ونىڭ اناسى ەرٸ باپكەرٸ ليانا تاڭجارىقوۆانى قابىلدادى, دەپ حابارلايدى قازاقپارات.
وبلىس ەكٸمٸنٸڭ باسپاسٶز قىزمەتٸنەن مەلٸم ەتكەندەي, ٶڭٸر باسشىسى ماڭعىستاۋ وبلىسىنىڭ اتىنان ٶنەر كٶرسەتٸپ جٷرگەن 17 جاستاعى بيبٸسارانا ايتۋلى جەڭٸسٸمەن قۇتتىقتاپ, سەتتٸلٸك تٸلەدٸ.
«بيبٸسارا اساۋباەۆانى ەرەسەكتەر اراسىندا بليتس بويىنشا ٶتكەن ەلەم چەمپيوناتىنداعى جارقىن جەڭٸسٸمەن قۇتتىقتايمىن! سٸز حالىقارالىق بەسەكەدە جوعارعى سپورتتىق شەبەرلٸك تانىتىپ, ەلٸمٸزدٸڭ جەنە ماڭعىستاۋ ٶڭٸرٸنٸڭ مەرەيٸن ٷستەم ەتتٸڭٸز. سٸزدٸڭ شاحمات بويىنشا ەڭ جاس چەمپيون اتانۋىڭىز وتاندىق سپورت ٷشٸن تاريحي وقيعا دەپ ەسەپتەيمٸن. ەلٸ دە الار اسۋلارىڭىز كٶپ بولىپ, تابىستان تابىسقا جەتە بەرۋٸڭٸزگە تٸلەكتەستٸك بٸلدٸرەمٸن», - دەدٸ نۇرلان نوعاەۆ.
ەسكە سالايىق, بيبٸسارا اساۋباەۆا ۆارشاۆادا ٶتكەن ەلەم چەمپيوناتىندا ەرەسەكتەر اراسىنداعى شاحماتتان قازاقستان تاريحىنداعى العاشقى التىن جٷلدەنٸ يەلەندٸ. وسىلايشا, بيبٸسارا شاحمات تاريحىنداعى ەڭ جاس ەلەم چەمپيونى بولىپ وتىر.
بۇعان دەيٸن بيبٸسارا بالالار مەن جاسٶسپٸرٸمدەر ساناتتارىندا 5 دٷركٸن ەلەم چەمپيونى جەنە ەكٸ دٷركٸن ەلەم ۆيتسە-چەمپيونى اتانعان ەدٸ. شاحمات تاريحىنداعى ەڭ جاس Fide Master اتاعىنىڭ يەگەرٸ. 2017 جىلى «ەلەم قۇراماسى» ساپىندا «عاسىر ماتچى» حالىقارالىق تۋرنيرٸنٸڭ جەڭٸمپازى بولدى. 2019 جىلى ۋكراينادا «التىن مونعوز» حالىقارالىق جىل سىيلىعىنىڭ نومينانتى جەنە يەگەرٸ اتاندى.
سونداي-اق ول ماڭعىستاۋلىق سپورتشىلارعا تۇراقتى تٷردە شەبەرلٸك ساباقتارىن ٶتكٸزٸپ, ٶڭٸر شاحماتشىلارىنىڭ قاتارىن كٶبەيتۋگە اتسالىسىپ كەلەدٸ.
