فوتو: كٶلٸك مينيسترلٸگٸ
2026 جىلعى 16 قاڭتار كٷنٸ تٷنگٸ ساعات 01:03 شاماسىندا KZ-11 «دوسسور – قۇلسارى – بەينەۋ – سايٶتەس – شەتپە – جەتٸباي – اقتاۋ» اۆتوجولىنىڭ 383-شاقىرىمىندا جولاۋشىلار اۆتوبۋسىنىڭ قاتىسۋىمەن جول-كٶلٸك وقيعاسى تٸركەلدٸ, دەپ حابارلايدى Ult.kz.
الدىن الا مەلٸمەت بويىنشا, اقتاۋ قالاسىنان بەينەۋ اۋىلى باعىتىندا كەلە جاتقان Yutong ماركالى اۆتوبۋس جٷرگٸزۋشٸسٸ رۋلگە يە بولا الماي, كٶلٸك اۋدارىلىپ كەتكەن. اۆتوبۋس 2025 جىلعى 19 جەلتوقساندا تەحنيكالىق بايقاۋدان ٶتكەن جەنە «CASPIAN TRANS CORPORATION» LLC كومپانيياسىندا تٸركەلگەن.
جول-كٶلٸك وقيعاسى سالدارىنان وقيعا ورنىندا تٶرت جولاۋشى قازا تاۋىپ, تاعى ٷش ادام ەرتٷرلٸ دەرەجەدەگٸ جاراقات الىپ, مەديتسينالىق مەكەمەلەرگە جەتكٸزٸلدٸ. اۆتوبۋستا بارلىعى 50 جولاۋشى بولعانى بەلگٸلٸ.
اتالعان اۆتوجول ۋچاسكەسٸ تەحنيكالىق II ساناتقا جاتادى. جول جامىلعىسى اسفالتبەتوندى, جولدىڭ ەنٸ 9 مەتردٸ قۇرايدى. الدىن الا تەكسەرۋ بارىسىندا جول جامىلعىسىندا اقاۋلار انىقتالماعان, جول بەلگٸلەرٸ بەكٸتٸلگەن تالاپتارعا ساي تولىق ورناتىلعان. اپات تەۋلٸكتٸڭ قاراڭعى ۋاقىتىندا ورىن العان.
اۆتوبۋستى 1985 جىلى تۋعان جٷرگٸزۋشٸ باسقارعان. الدىن الا دەرەككە سەيكەس, جول-كٶلٸك وقيعاسى بولعان جەردەن شامامەن 200 شاقىرىم بۇرىن ەكٸنشٸ جٷرگٸزۋشٸمەن اۋىسۋ جٷرگٸزٸلگەن.
قازٸرگٸ ۋاقىتتا اتالعان دەرەك بويىنشا ماڭعىستاۋ وبلىسى پوليتسييا دەپارتامەنتٸ بارلىق مەن-جايلاردى انىقتاۋعا باعىتتالعان تەرگەۋ شارالارىن جٷرگٸزٸپ جاتىر.
