ماڭعىستاۋ وبلىسىنداعى «قىزىلساي» مەملەكەتتٸك ٶڭٸرلٸك تابيعي پاركٸ اۋماعىندا ٶلٸ قابىلان تابىلدى. اڭنىڭ ٶلۋ سەبەبٸن انىقتاۋ ٷشٸن وقيعا ورنىنا ماماندار اتتاندى, دەپ حابارلايدى "ۇلت اقپارات".
«جەرگٸلٸكتٸ تۇرعىندار 9 ماۋسىم كٷنٸ كەشكٸ ساعات شامامەن 22:00-دە «ماناشى» مەملەكەتتٸك تابيعي قورىعى اۋماعىنداعى «كٷيكەنتاۋ» دەگەن جەردەن ٶلٸ قابىلان تاۋىپ الدى. بۇل جايىندا «قىزىلساي» مەملەكەتتٸك ٶڭٸرلٸك تابيعي پاركٸنٸڭ باسشىلىعى حابارلادى.
«قىزىلساي» مٶتپ ينسپەكتورلارىنان, ماڭعىستاۋ, بەينەۋ اۋداندىق تابيعاتتى قورعاۋ بٶلٸمدەرٸنٸڭ ماماندارىنان, ۆەتەرينار دەرٸگەرلەردەن جاساقتالعان ارناۋلى توپ قابىلان ٶلگەن جەرگە مەن-جايدى انىقتاۋ ٷشٸن اتتانىپ كەتتٸ.
بۇل جەر اقتاۋ قالاسىنان شامامەن 300-350 شاقىرىم قاشىقتىقتا. قوسىمشا اقپارات مەن-جاي انىقتالعاننان كەيٸن بەرٸلەدٸ», - دەپ جازدى قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ باسپاسٶز حاتشىسى سامال يبراەۆا Facebook-تە.
قابىلاننىڭ دەنە بٸتٸمٸ ۇزىنشا, تۇرقى - 120-150 سم, قۇيرىعىنىڭ ۇزىندىعى - 60-75 سم. قالىڭ, قىسقا, سارعىلت تٷستٸ تٷگٸنٸڭ ٷستٸندە قارا داقتار بولادى. قابىلان تروپيكتٸك جەنە سۋبتروپيكتٸك ايماقتارداعى ورمانداردا, تاۋ بەتكەيلەرٸندە, جازىق دالالار مەن ساۆاننادا, ٶزەن بويىنداعى توعايلاردا تٸرشٸلٸك ەتەدٸ.
2018 جىلى ٷستٸرتتٸڭ قازاقستانداعى بٶلٸگٸندە فوتوتۇزاققا قابىلان تٷسٸپ قالعان بولاتىن. بۇل اڭ 2021 جىلى قازاقستاننىڭ قىزىل كٸتابىنا ەنگٸزٸلگەن.
