Mańǵystaý oblysyndaǵy «Qyzylsai» memlekettik óńirlik tabiǵi parki aýmaǵynda óli qabylan tabyldy. Ańnyń ólý sebebin anyqtaý úshin oqiǵa ornyna mamandar attandy, dep habarlaidy "Ult aqparat".
«Jergilikti turǵyndar 9 maýsym kúni keshki saǵat shamamen 22:00-de «Manashy» memlekettik tabiǵi qoryǵy aýmaǵyndaǵy «Kúikentaý» degen jerden óli qabylan taýyp aldy. Bul jaiynda «Qyzylsai» memlekettik óńirlik tabiǵi parkiniń basshylyǵy habarlady.
«Qyzylsai» MÓTP inspektorlarynan, Mańǵystaý, Beineý aýdandyq tabiǵatty qorǵaý bólimderiniń mamandarynan, veterinar dárigerlerden jasaqtalǵan arnaýly top qabylan ólgen jerge mán-jaidy anyqtaý úshin attanyp ketti.
Bul jer Aqtaý qalasynan shamamen 300-350 shaqyrym qashyqtyqta. Qosymsha aqparat mán-jai anyqtalǵannan keiin beriledi», - dep jazdy QR Ekologiia, geologiia jáne tabiǵi resýrstar ministrliginiń baspasóz hatshysy Samal Ibraeva Facebook-te.
Qabylannyń dene bitimi uzynsha, turqy - 120-150 sm, quiryǵynyń uzyndyǵy - 60-75 sm. Qalyń, qysqa, sarǵylt tústi túginiń ústinde qara daqtar bolady. Qabylan tropiktik jáne sýbtropiktik aimaqtardaǵy ormandarda, taý betkeilerinde, jazyq dalalar men savannada, ózen boiyndaǵy toǵailarda tirshilik etedi.
2018 jyly Ústirttiń Qazaqstandaǵy bóliginde fototuzaqqa qabylan túsip qalǵan bolatyn. Bul ań 2021 jyly Qazaqstannyń Qyzyl kitabyna engizilgen.
