ماڭعىستاۋ وبلىسىن سۇيىتىلعان گازبەن قامتاماسىز ەتۋدە ٸركٸلٸستەر بولمايدى, دەپ حابارلايدى "ۇلت اقپارات".
بۇعان دەيٸن «قازگٶز» جشس-دا 2021 جىلعى 16 ماۋسىمدا ساعات 22:15-تە كومپرەسسورلىق تسەحتىڭ اۋا توڭازىتقىشى كونسترۋكتسيياسىنىڭ ٶرتەنگەنٸن حابارلاعان بولاتىنبىز.
ٶرت سالدارىنان گراديرنيا كونسترۋكتسيياسىنىڭ بٸر بٶلٸگٸ ٸستەن شىقتى, نەگٸزگٸ جابدىق (كومپرەسسورلىق جابدىق) زارداپ شەككەن جوق. گراديرنيانى قالپىنا كەلتٸرۋ بويىنشا اۆارييالىق-جٶندەۋ جۇمىستارى باستالدى.
قازگٶز بويىنشا وقىس وقيعانى تەكسەرۋ تۋرالى بۇيرىق شىعارىلدى, ٶرت سالدارىن جويۋ بويىنشا جەدەل شتاب قۇرىلدى.
زاۋىتتىڭ دايىن ٶنٸم قويمالارىنداعى سۇيىتىلعان مۇناي گازىنىڭ مٶلشەرٸ ٶڭٸردٸڭ قاجەتتٸلٸگٸن شامامەن ەكٸ تەۋلٸككە (شامامەن 1,2 مىڭ توننا) قامتاماسىز ەتەدٸ.
سونداي-اق, ماڭعىستاۋ وبلىسى ەكٸمدٸگٸنٸڭ جەدەل اقپاراتى بويىنشا ٶڭٸردە ساقتاۋ بازالارىندا سۇيىتىلعان گازدىڭ تاعى ٷش تەۋلٸككە جەتەتٸن قالدىعى بار (شامامەن 1,5 مىڭ توننا).
بۇدان باسقا, قاجەتتٸلٸك تۋىنداعان جاعدايدا اتىراۋ مۇناي ٶڭدەۋ زاۋىتىنان ٶڭٸرگە سۇيىتىلعان گازدى بالامالى جەتكٸزۋدٸ جٷرگٸزۋگە مٷمكٸندٸك بار.
اي سايىن ماڭعىستاۋ وبلىسىنا شامامەن 18 مىڭ توننا سۇيىتىلعان گاز بٶلٸنەدٸ, ونىڭ ٸشٸندە قازگٶز-دەن 14,5 مىڭ توننا جەنە امٶز-دەن 3,5 مىڭ توننا. بٷگٸنگٸ كٷنٸ جەدەل اقپارات بويىنشا قازگٶز-دەن 8 مىڭ توننادان جەنە امٶز-دەن 1,6 مىڭ توننا استام سۇيىتىلعان گاز جٶنەلتٸلدٸ.
زاۋىت جۇمىسى جاقىن ارادا تولىق قالپىنا كەلتٸرٸلەتٸن بولادى.
ٶڭٸردە سۇيىتىلعان گازبەن قامتاماسىز ەتۋ بويىنشا ەشقانداي ٸركٸلٸستەر بولمايدى.
