Mańǵystaý oblysyn suiytylǵan gazben qamtamasyz etýde irkilister bolmaidy, dep habarlaidy "Ult aqparat".
Buǵan deiin «QazGÓZ» JShS-da 2021 jylǵy 16 maýsymda saǵat 22:15-te Kompressorlyq tsehtyń aýa tońazytqyshy konstrýktsiiasynyń órtengenin habarlaǵan bolatynbyz.
Órt saldarynan gradirnia konstrýktsiiasynyń bir bóligi isten shyqty, negizgi jabdyq (kompressorlyq jabdyq) zardap shekken joq. Gradirniany qalpyna keltirý boiynsha avariialyq-jóndeý jumystary bastaldy.
QazGÓZ boiynsha oqys oqiǵany tekserý týraly buiryq shyǵaryldy, órt saldaryn joiý boiynsha jedel shtab quryldy.
Zaýyttyń daiyn ónim qoimalaryndaǵy suiytylǵan munai gazynyń mólsheri óńirdiń qajettiligin shamamen eki táýlikke (shamamen 1,2 myń tonna) qamtamasyz etedi.
Sondai-aq, Mańǵystaý oblysy ákimdiginiń jedel aqparaty boiynsha óńirde saqtaý bazalarynda suiytylǵan gazdyń taǵy úsh táýlikke jetetin qaldyǵy bar (shamamen 1,5 myń tonna).
Budan basqa, qajettilik týyndaǵan jaǵdaida Atyraý munai óńdeý zaýytynan óńirge suiytylǵan gazdy balamaly jetkizýdi júrgizýge múmkindik bar.
Ai saiyn Mańǵystaý oblysyna shamamen 18 myń tonna suiytylǵan gaz bólinedi, onyń ishinde QazGÓZ-den 14,5 myń tonna jáne AMÓZ-den 3,5 myń tonna. Búgingi kúni jedel aqparat boiynsha QazGÓZ-den 8 myń tonnadan jáne AMÓZ-den 1,6 myń tonna astam suiytylǵan gaz jóneltildi.
Zaýyt jumysy jaqyn arada tolyq qalpyna keltiriletin bolady.
Óńirde suiytylǵan gazben qamtamasyz etý boiynsha eshqandai irkilister bolmaidy.
