ماڭعىستاۋ وبلىسىنىڭ ەكٸمٸ سەرٸكباي ترۇموۆ بوكستان ەلەم چەمپيونى بەكزات نۇردەۋلەتوۆكە اقتاۋدان 2 بٶلمەلٸ پەتەردٸڭ كٸلتٸن تابىس ەتتٸ, دەپ حابارلايدى "ۇلت اقپارات".
وبلىس ەكٸمدٸگٸندە چەمپيوندى قابىلداعان ٶڭٸر باسشىسى ەل ٷمٸتٸن اقتاعان بەكزاتقا قر پرەزيدەنتٸ قاسىم-جومارت توقاەۆتىڭ ارنايى قۇتتىقتاۋىن جەتكٸزٸپ, پەتەر كٸلتٸن تابىستادى.
«ەرٸ قاراي شىڭدالا بەر. جەڭٸستٸ سەتتەر كٶپ بولسىن! سوندىقتان اقتاۋدىڭ تٶرٸنەن پەتەر سىيلايمىز. وسىنداي جەتٸستٸككە جەتكٸزگەن باپكەرلەرٸنٸڭ ەڭبەگٸ زور», - دەدٸ سەرٸكباي ترۇموۆ.
باپكەرلەرٸن ەرەكشە اتاعان ايماق باسشىسى ولارعا دا قارجىلاي ماراپات سىيلادى.
بەكزاتتىڭ جاس كەزٸندەگٸ باپكەرٸ باتىربەك جايلىباەۆقا 3 ملن تەڭگە, مارات جەكيەۆكە 5 ملن تەڭگە بەرٸلدٸ.
ەسكە سالا كەتسەك, رەسەيدٸڭ ەكاتەرينبۋرگ قالاسىندا ٶتكەن بوكستان ەلەم چەمپيوناتىندا 81 كەلٸ سالماقتا بەكزات نۇردەۋلەتوۆ ەلەم چەمپيونى اتاندى. قازاقستاندىق فينالدا ٶزبەكستاندىق بوكسشى ديلشودبەك رۋزمەتوۆپەن جۇدىرىقتاسىپ, تٶرەشٸلەر شەشٸمٸمەن 5:0 ەسەبٸن جەڭٸسكە جەتتٸ.
بۇعان دەيٸن حابارلاعانىمىزداي, بٷگٸن تٷندە اقتاۋ ەۋەجايىنا وبلىس ەكٸمٸ سەرٸكباي ترۇموۆ باستاعان 100-دەن استام ماڭعىستاۋلىق جينالىپ, بوكستان ەلەم چەمپيونى بەكزات نۇردەۋلەتوۆتٸ كٷتٸپ الدى.
سونداي-اق, بەكزات نۇردەۋلەتوۆتٸ جەڭٸسٸمەن قر پرەزيدەنتٸ قاسىم-جومارت توقاەۆ قۇتتىقتاعان بولاتىن.
