مەنەرلەپ سىرعاناۋدان سايتامادا (جاپونييا) ٶتٸپ جاتقان ەلەم چەمپيوناتىندا قازاقستاندىق ەليزابەت تۇرسىنباەۆا كٷمٸس مەدال يەلەنٸپ, تاريحي جەتٸستٸككە قول جەتكٸزدٸ, دەپ حابارلايدى "ۇلت اقپارات" ازاتتىق اگەنتتٸگٸنە سٸلتەمە جاساپ.
22 ناۋرىزدا ٶتكەن نەگٸزگٸ باعدارلامادا تۇرسىنباەۆا تٶرت اينالىم سالحوۆ ەلەمەنتٸن سەكٸردٸ. وسىلايشا, ول تٶرت اينالىم ەلەمەنت سەكٸرگەن العاشقى ەيەل مەنەرلەپ سىرعاناۋشى رەتٸندە تاريحقا ەندٸ. بۇعان دەيٸن مەنەرلەپ سىرعاناۋ تاريحىندا ەيەلدەر اراسىندا ەشكٸم تٶرت اينالىم ەلەمەنت سەكٸرمەگەن.
تۇرسىنباەۆا نەگٸزگٸ باعدارلامادا استور پياتستسوللانىڭ «Otoño Porteño» (بۋەنەس ايرەستەگٸ تٶرت مەزگٸل) ەۋەنٸنە بيلەپ, 148,80 ۇپاي جينادى. ال 19 ناۋرىزدا ٶتكەن قىسقا باعدارلامادا بەتحوۆەننٸڭ «Moonlight sonata» مۋزىكالىق كومپوزيتسيياسىنا بيلەپ, 75,96 ۇپاي العان. قوس باعدارلاما نەتيجەسٸ – 224,76 ۇپاي.
ەليزابەت اقپاننىڭ ورتاسىندا اقش-تا ٶتكەن تٶرت قۇرلىق چەمپيوناتىندا 207 ۇپايمەن كٷمٸس مەدال العان ەدٸ.
وتانداسىمىزدى 2018 جىلعا دەيٸن كانادالىق مامان برايان ورسەر جاتتىقتىرعان. ال 2018 جىلدىڭ جازىندا ول رەسەيلٸك جاتتىقتىرۋشى ەتەري تۋتبەريدزەنٸڭ كومانداسىنا اۋىسقان. قازٸر مەسكەۋدە جاتتىعادى.
تۇرسىنباەۆا 2016 جىلى ليللەحاممەردە (نورۆەگييا) ٶتكەن جاسٶسپٸرٸمدەر اراسىنداعى قىسقى وليمپيادادا قولا العان. 2018 جىلى ساپپورودا (جاپونييا) ٶتكەن ازييا ويىندارىنىڭ قولا جٷلدەگەرٸ.
ايتا كەتەيٸك, چەمپيوناتتىڭ نەگٸزگٸ فاۆوريتتەرٸ بولعان رەسەيلٸك الينا زاگيتوۆا 237,50 ۇپايمەن ەلەم چەمپيونى اتانسا, ونىڭ وتانداسى ەۆگەنييا مەدۆەدەۆا 223,80 بالمەن ٷشٸنشٸ ورىنعا كٶتەرٸلدٸ.
تۇرسىنباەۆا – ەلەم چەمپيوناتىندا مەدال العان ەكٸنشٸ قازاقستاندىق مەنەرلەپ سىرعاناۋشى. قازاقستاندىق دەنيس تەن 2013 جىلعى ەلەم بٸرٸنشٸلٸگٸندە كٷمٸس, 2014 جىلعى ەلەم چەمپيوناتىندا قولا العان.
تەن 2018 جىلى 19 شٸلدەدە الماتىدا اۋرۋحانادا قايتىس بولعان. كٶشەدە تۇرعان اۆتوكٶلٸگٸنٸڭ ايناسىن ۇرلاعانداردى توقتاتپاق بولعان سپورتشىنى ەكٸ ادام پىشاقتاپ كەتكەن. سوت سپورتشىنىڭ ٶلٸمٸنە بايلانىستى ايىپتالعان ارمان قۇدايبەرگەنوۆ پەن نۇرالى قيياسوۆتى - 18 جىلعا, جانار تولىباەۆانى 4 جىلعا باس بوستاندىعىنان ايىرعان.
