دوستىق ٷيٸندە تٷركٸ اكادەميياسى جەنە قازاقستان حالقى اسسامبلەياسىنىڭ ۇيىمداستىرۋىمەن «بەكەم باۋىرلاستىق بايلانىستار: ماناستان ابايعا دەيٸن» اتتى القالى جيىن ٶتتٸ, دەپ حابارلايدى قازاقپارات.
شارا بارىسىندا حالىقارالىق تٷركٸ اكادەميياسى دايىنداعان «ماناس» ەپوسىنىڭ قازاق تٸلٸندەگٸ نۇسقاسى جەنە اباي شىعارمالارىنىڭ قىرعىز تٸلٸندەگٸ اكادەمييالىق باسىلىمى تانىستىرىلدى.
«قازاقستان حالقى اسسامبلەياسىنىڭ 25 جىلدىعىنا وراي ەكٸ سٷيٸنشٸ جاڭالىعىمىز بار. بۇل باۋىرلاستىق بايلانىسىمىزدى بەكەمدەي تٷسەتٸن رۋحاني قازىنالارمەن تولىعىپ جاتىر. 1961 جىلعى مۇحتار ەۋەزوۆتٸڭ باسشىلىعىمەن جارىق كٶرگەن «ماناس» داستانى 60 جىلدان كەيٸن قازاق وقىرماندارىنىڭ قولىنا قايتا جەتٸپ وتىر. جىرشى, ماناسشى بايانعالي ەلٸمجانوۆ ٶزٸنٸڭ كەرەمەت شەبەرلٸگٸمەن قازاقشالاپ شىقتى», - دەيدٸ تٷركٸ اكادەميياسىنىڭ پرەزيدەنتٸ دارحان قىدىرەلٸ.
سونداي-اق, بيىل ۇلى ابايدىڭ 175 جىلدىعى.
«بۇل قازاق ەلٸندە عانا ەمەس, باۋىرلاس تٷركٸ جۇرتتارىندا دا كەڭٸنەن اتاپ ٶتٸلۋدە. سونىڭ بٸر جارقىن ايعاعى – اباي تەك قانا قازاقتىڭ اقىنى ەمەس, قىرعىزعا دا ورتاق تۇلعا رەتٸندە اكادەمييالىق تاڭدامالى جيناعى بٸرٸنشٸ رەت جارىق كٶرٸپ وتىر. تٷرٸك اكادەميياسى وسى ەكٸ ەڭبەكتٸ سٸزدەرگە ۇسىنۋ مەرتەبەسٸنە يە بولدى», - دەيدٸ ول.
جيىن باستالعان كەزدە اتالعان ەكٸ ەڭبەكتٸڭ تۇساۋى كەسٸلدٸ.
