مٸندەتتٸ ەلەۋمەتتٸك مەديتسينالىق ساقتاندىرۋ بويىنشا قازاقستاندىقتار كەز كەلگەن مەديتسينالىق مەكەمەدە ستوماتولوگييالىق قىزمەتتٸ الا الادى. بۇل تۋرالى «ەلەۋمەتتٸك مەديتسينالىق ساقتاندىرۋ قورى» كەاق الماتى قالالىق فيليالى ديرەكتورى تلەۋحان ەبٸلداەۆ مەلٸم ەتتٸ, دەپ حابارلايدى قازاقپارات.
ونىڭ ايتۋىنشا, 2020 جىلدان باستاپ ستوماتولوگييالىق قىزمەت اقىسىن تٶلەۋ سحەماسى ٶزگەردٸ. بۇرىن قىزمەت اقىسى كونسۋلتاتيۆتٸك-دياگنوستيكالىق قىزمەت كٶرسەتەتٸن كلينيكاعا تٸكەلەي اۋدارىلاتىن بولسا, بيىلدان باستاپ ەمحانالار ارقىلى تٶلەنەدٸ. ول ٷشٸن ەمدەۋ ۇيىمدارى اراسىندا قوسىمشا كەلٸسٸمشارت بەكٸتٸلەدٸ.
«ساقتاندىرۋ ەنگٸزٸلگەنگە دەيٸن ستوماتولوگييالىق كٶمەك تەك پاتسيەنتتٸڭ تٸركەلگەن ەمحاناسى ارقىلى عانا كٶرسەتٸلەتٸن. جاڭا جٷيەنٸڭ ارقاسىندا اتالعان ساناتتاعى ازاماتتار بۇل قىزمەتتٸ ەلٸمٸزدٸڭ كەز كەلگەن جەرٸندە پايدالانا الادى», - دەدٸ تلەۋحان ەبٸلداەۆ.
مسق قالالىق فيليالى مەلٸمەتٸنە سٷيەنسەك, ازاماتتاردىڭ جەكەلەگەن ساناتتارى, دەلٸرەك ايتقاندا, 18 جاسقا دەيٸنگٸ بالالار مەن جٷكتٸ ەيەلدەر امبۋلاتورييا دەڭگەيٸندەگٸ ستوماتولوگييالىق كٶمەكتٸ ساقتاندىرۋ پاكەتٸ ارقىلى الا الادى.
ولار: تٸستٸ جانسىزداندىرۋ, پلومبا سالۋ, تەراپەۆتٸڭ قابىلداۋى, پۋلپيت پەن پەريودونتيتتٸ ەمدەۋ, گيپوپلازييا مەن فليۋوروز سالدارىنان اناتومييالىق پٸشٸنٸ بۇزىلعان تٸستٸ تولىق قالپىنا كەلتٸرۋ سىندى تاعى دا باسقا قىزمەتتەردٸ پايدالانا الادى. سونىمەن قاتار, تٸستٸ جۇلدىرۋ, تٸل مەن ەرٸن جٷگەنشٸگٸندەگٸ اقاۋدى جويۋ, جاقتى رەنتگەنگە تٷسٸرۋ, انەستەزييا سىندى قىزمەتتەر دە وسى پاكەت شەڭبەرٸندە كٶرسەتٸلەدٸ.
ال, شۇعىل ستوماتولوگييالىق كٶمەك بۇرىنعىشا مەملەكەت تاراپىنان كەپٸلدەندٸرٸلگەن تەگٸن مەديتسينالىق كٶمەك پاكەتٸندە قالدىرىلدى. شۇعىل كٶمەككە: 18 جاسقا دەيٸنگٸ بالالار, جٷكتٸ ەيەلدەر, ۇلى وتان سوعىسىنىڭ قاتىسۋشىلارى, 1,2,3 توپتاعى مٷگەدەكتەر, «التىن القا», «كٷمٸس القا» يەلەنگەن كٶپ بالالى انالار, اتاۋلى ەلەۋمەتتٸك كٶمەك الۋشىلار, جاسىنا قاراي زەينەتكە شىققان زەينەتكەرلەر, جۇقپالى, ەلەۋمەتتٸك ماڭىزى بار اۋرۋلار مەن قورشاعان ورتاعا قاۋٸپ تٶندٸرەتٸن سىرقاتتارعا شالدىققان پاتسيەنتتەر جٷگٸنە الادى.
مىسالى, حيرۋرگتٸڭ قابىلداۋى, تٸستٸ جۇلۋ, ابستسەستٸ اشىپ تازارتۋ, ودونتەگەندٸ ٸسٸكتٸ كەسٸپ الىپ تاستاۋ, الۆەوليتتٸ ەمدەۋ, تٸس تامىرى نەۆريتٸن ەمدەۋ, اۋىز قۋىسىنداعى جۇمساق تٸندەردٸ كەسٸپ الىپ تاستاۋ, جاق-بەت سٷيەگٸندەگٸ جارالاردى ەمدەۋ تاعى باسقا قىزمەتتەر تەگٸن كٶرسەتٸلەدٸ. سونداي-اق, جاق-بەت سٷيەگٸ اقاۋىمەن تۋعان نەرەستەلەرگە ارنالعان ورتودونتييالىق كٶمەك تٷرلەرٸ دە مەملەكەتتٸك تاپسىرىس شەڭبەرٸندە كٶرسەتٸلەدٸ.
جالپى, قازٸر الماتى قالاسىندا 45 مەديتسينالىق ۇيىم ستوماتولوگييالىق قىزمەت كٶرسەتەدٸ.
