مەمس قورىنا تٷسكەن قارجىنىڭ بەستەن بٸر بٶلٸگٸ وڭتٷستٸك استاناعا تيەسٸلٸ. بۇل تۋرالى ونلاين بريفينگ بارىسىندا الماتى قالاسى ەلەۋمەتتٸك مەديتسينالىق ساقتاندىرۋ قورىنىڭ باسشىسى تٸلەۋحان ەبٸلداەۆ ايتتى, دەپ حابارلايدى "ۇلت اقپارات".
قور باسشىسىنىڭ مەلٸمەتٸنشە, مەمس جٷيەسٸ ەنگٸزٸلگەن سەتتەن باستاپ مەديتسينالىق ساقتاندىرۋ قورىنا 655,2 ملرد تەڭگە تٷسكەن. سونىمەن قاتار, بارلىق قاراجاتتىڭ بەستەن بٸر بٶلٸگٸ الماتىعا تيەسٸلٸ.
«2017 جىلدىڭ 1 شٸلدەسٸنەن, 2021 جىلدىڭ 31 مامىرىنا دەيٸنگٸ كەزەڭدە الماتى قالاسىنان مەمس-كە تٷسەتٸن تٷسٸمدەردٸڭ جالپى سوماسى 1,9 ملن ادام ٷشٸن 121,7 ملرد تەڭگەدەن استى», – دەدٸ سپيكەر.
تٷسٸمنٸڭ نەگٸزگٸ بٶلٸگٸ نەمەسە 89,7 ملرد تەڭگەدەن استامى – جۇمىس بەرۋشٸلەردٸڭ اۋدارىمدارى, قالعان 32 ملرد تەڭگە – جەكە كەسٸپكەرلەر مەن ازاماتتىق-قۇقىقتىق سيپاتتاعى شارتتار بويىنشا جۇمىس ٸستەيتٸن ادامداردىڭ سالىمدارى.
سونداي-اق, 2019 جىلدىڭ باسىنان باستاپ 200 مىڭنان استام ٶزٸن-ٶزٸ جۇمىسپەن قامتىعان الماتىلىق 462,6 ملن تەڭگە كٶلەمٸندە بٸرىڭعاي جيىنتىق تٶلەمٸن تٶلەدٸ.
وسى جىلدىڭ 4 ايىنىڭ قورىتىندىسى بويىنشا الماتى قالاسىنىڭ تۇرعىندارىنان 103 288 ٶتٸنٸش تٷستٸ. ونىڭ ٸشٸندە 157 العىس حات, 100 مىڭنان استام كەڭەس بار.
ەسكە سالساق, مەديتسينالىق ۇيىمدار تاراپىنان قۇقىقتار بۇزىلعان جاعدايدا ناۋقاستار كەرٸ بايلانىس ارنالارى, اتاپ ايتقاندا Qoldau 24/7 موبيلدٸ قوسىمشاسى, 1406 بٸرىڭعاي بايلانىس ورتالىعى مەن fms.kz. رەسمي سايتى ارقىلى قورعا ٶتٸنٸش جٸبەرە الادى. بارلىق ٶتٸنٸشتەر مٸندەتتٸ تٷردە قارالادى.
