MÁMS qoryna túsken qarjynyń besten bir bóligi ońtústik astanaǵa tiesili. Bul týraly onlain brifing barysynda Almaty qalasy Áleýmettik meditsinalyq saqtandyrý qorynyń basshysy Tileýhan Ábildaev aitty, dep habarlaidy "Ult aqparat".
Qor basshysynyń málimetinshe, MÁMS júiesi engizilgen sátten bastap meditsinalyq saqtandyrý qoryna 655,2 mlrd teńge túsken. Sonymen qatar, barlyq qarajattyń besten bir bóligi Almatyǵa tiesili.
«2017 jyldyń 1 shildesinen, 2021 jyldyń 31 mamyryna deiingi kezeńde Almaty qalasynan MÁMS-ke túsetin túsimderdiń jalpy somasy 1,9 mln adam úshin 121,7 mlrd teńgeden asty», – dedi spiker.
Túsimniń negizgi bóligi nemese 89,7 mlrd teńgeden astamy – jumys berýshilerdiń aýdarymdary, qalǵan 32 mlrd teńge – jeke kásipkerler men azamattyq-quqyqtyq sipattaǵy sharttar boiynsha jumys isteitin adamdardyń salymdary.
Sondai-aq, 2019 jyldyń basynan bastap 200 myńnan astam ózin-ózi jumyspen qamtyǵan almatylyq 462,6 mln teńge kóleminde biryńǵai jiyntyq tólemin tóledi.
Osy jyldyń 4 aiynyń qorytyndysy boiynsha Almaty qalasynyń turǵyndarynan 103 288 ótinish tústi. Onyń ishinde 157 alǵys hat, 100 myńnan astam keńes bar.
Eske salsaq, meditsinalyq uiymdar tarapynan quqyqtar buzylǵan jaǵdaida naýqastar keri bailanys arnalary, atap aitqanda Qoldau 24/7 mobildi qosymshasy, 1406 biryńǵai bailanys ortalyǵy men fms.kz. resmi saity arqyly Qorǵa ótinish jibere alady. Barlyq ótinishter mindetti túrde qaralady.
