ەلٸمٸزدە مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ تولىعىمەن 1 شٸلدەدەن باستاپ ٸسكە قوسىلادى. قازٸرگٸ ۋاقىتتا بارلىق قازاقستاندىقتار شارتتى ساقتاندىرىلعان دەپ سانالادى. بۇل تۋرالى الماتى قالاسى «ەلەۋمەتتٸك مەديتسينالىق ساقتاندىرۋ قورى» كەاق فيليالىنىڭ ديرەكتورى نۇرلىبەك قابدىقاپاروۆ مەلٸمدەدٸ, دەپ حابارلايدى قازاقپارات.
«سەۋٸر ايىنان باستاپ ەلٸمٸزدە مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ تولىققاندى ٸسكە قوسىلۋى تيٸس بولاتىن. بٸراق مەملەكەت باسشىسىنىڭ كوروناۆيرۋس ٸندەتٸنە بايلانىستى بەرگەن تاپسىرماسىنا سەيكەس, بۇل مەرزٸمدٸ 1 شٸلدەگە اۋىستىرۋ تۋرالى شەشٸم قابىلداندى. ياعني, وسى ۋاقىتقا دەيٸن قازاقستاننىڭ بارلىق تۇرعىندارى شارتتى تٷردە ساقتاندىرىلعان بولىپ سانالادى», - دەدٸ نۇرلىبەك قابدىقاپاروۆ.
سونىمەن قاتار, ول بۇل ەلدە تۇراتىن ەربٸر ازاماتتىڭ تەگٸن مەديتسينالىق كٶمەك تٷرٸن عانا ەمەس, مەديتسينالىق ساقتاندىرۋ پاكەتٸندەگٸ قىزمەتتەردٸ دە پايدالانۋىنا مٷمكٸندٸك بەرەتٸنٸن ايتتى. جالپى العاندا, بۇل مٷمكٸندٸكتٸ 2,5 ميلليوننان استام ادام پايدالانادى.
«قور ٶزٸنٸڭ ٸشكٸ رەزەرۆٸنەن 20 ملرد تەڭگەدەن استام قارجى بٶلۋدٸ جوسپارلاپ وتىر. ول ساقتاندىرىلماعان ازاماتتاردىڭ كومپيۋتەرلٸك توموگرافييا, ماگنيتتٸ-رەزونانستىق توموگرافييا, پتسر سىندى قىمبات اناليزدەرگە دەگەن سۇرانىسىن قاناعاتتاندىرۋعا جۇمسالماق. قازٸر ەلٸمٸزدە بارلىعى 16,4 ميلليونعا جۋىق ادام ساقتاندىرىلعان بولىپ سانالادى. ونىڭ 11 ميلليونعا جۋىعى ەلەۋمەتتٸك جاعىنان از قامتىلعان ساناتتار. ياعني, حالىقتىڭ جارتىسىنان كٶبٸ بيۋدجەت ەسەبٸنەن ساقتاندىرىلىپ وتىر, - دەدٸ ول.
سپيكەردٸڭ ايتۋىنشا, مەديتسينالىق ساقتاندىرۋ قورى 2020 جىلعا رەسپۋبليكا بويىنشا 1 250-دەن استام مەديتسينا ۇيىمىمەن كەلٸسٸمشارت بەكٸتكەن, ونىڭ 600-دەن استامى جەكەمەنشٸك ۇيىم. جەتكٸزۋشٸلەرمەن بەكٸتٸلگەن كەلٸسٸمشارتتىڭ جالپى سوماسى 1,3 ترلن تەڭگە. ال الماتى قالاسى بويىنشا بيىل 182,2 ملرد تەڭگەنٸڭ قىزمەتٸن ساتىپ الۋ كٶزدەلگەن. ونىڭ: 110,7 ملرد تەڭگەسٸ – تەگٸن مەديتسينالىق كٶمەك پاكەتٸنە, 71,4 ملرد تەڭگەسٸ – ساقتاندىرۋ پاكەتٸنە تيەسٸلٸ.
«ەستەرٸڭٸزگە سالا كەتسەم, قازاقستاندا مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ 2020 جىلدىڭ باسىندا ەنگٸزٸلدٸ. ەۋەلدە جىلدىڭ باستاپقى ٷش ايى ٶتپەلٸ كەزەڭ رەتٸندە جارييالاندى. سەبەبٸ, جاڭا جٷيە بولعاندىقتان ەرتٷرلٸ سۇراقتاردىڭ تۋىندايتىنى راس. ٶتپەلٸ كەزەڭ وسىنداي مەسەلەلەردٸ شەشٸپ, تۇرعىنداردىڭ جاڭا جٷيەنٸ باعالاپ, ونىڭ ارتىقشىلىعىن سەزٸنۋٸ ٷشٸن ەنگٸزٸلگەن بولاتىن. دەگەنمەن, بۇل قازاقستان ازاماتتارى مەن وسىندا تۇراقتى تۇراتىن شەتەلدٸكتەردٸ جارنا تٶلەۋ مٸندەتٸنەن بوساتپايدى. شٸلدەنٸڭ بٸرٸنە دەيٸن ساقتاندىرىلماعان تۇرعىندار مەمس پاكەتٸندەگٸ قىزمەتتەردٸ پايدالانا المايدى», - دەپ قورتىندىلادى نۇرلىبەك قابدىقاپاروۆ.
