الماتى قالاسىنىڭ ەلەۋمەتتٸك مەديتسينالىق ساقتاندىرۋ قورىنىڭ باسشىسى تٸلەۋحان ەبٸلداەۆ ونلاين بريفينگ بارىسىندا مٸندەتتٸ ەلەۋمەتتٸك مەديتسينالىق ساقتاندىرۋ جٷيەنٸڭ جەتٸستٸگٸ تۋرالى ايتتى, دەپ حابارلايدى قازاقپارات.
تٸلەۋحان ەبٸلداەۆتىڭ ايتۋىنشا, قازاقستاندا ەكٸنشٸ جىل مەديتسينالىق ساقتاندىرۋ جٷيەسٸ جۇمىس ٸستەۋدە. ونىڭ باستالۋى پاندەمييا كەزەڭٸمەن تۇسپا-تۇس كەلدٸ, الايدا كوروناۆيرۋسپەن ٷزدٸكسٸز كٷرەسكە قاراماستان, مەمس مەديتسينالىق ساقتاندىرۋ جٷيەسٸنٸڭ تولىققاندى جۇمىس ٸستەيتٸنٸن كٶرسەتتٸ.
مەديتسينالىق ساقتاندىرۋدىڭ ارقاسىندا الماتى قالاسىنىڭ دەنساۋلىق ساقتاۋ جٷيەسٸ 2021 جىلى 214 ملرد تەڭگەدەن استام قارجى الدى.
«2021 جىلعا ناقتىلانعان بيۋدجەت 214,6 ملرد تەڭگەنٸ قۇراپ, 2020 جىلعى بيۋدجەتتەن 3%-عا ٶستٸ, ونىڭ ٸشٸندە تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸنٸڭ شەڭبەرٸندە 127,1 ملرد تەڭگە, مەمس پاكەتٸندە 87,5 ملرد تەڭگە», - دەيدٸ سپيكەر.
ٶتكەن جىلمەن سالىستىرعاندا جوعارى تەحنولوگييالىق وپەراتسييالاردى قارجىلاندىرۋ ارتتى. ەگەر 2020 جىلى ولاردى جٷرگٸزۋگە 11,8 ملرد تەڭگە بٶلٸنسە, بيىل 12,9 ملرد تەڭگە بٶلٸندٸ.
تٸلەۋحان ەبٸلداەۆ مٸندەتتٸ مەديتسينالىق ساقتاندىرۋدىڭ ارقاسىندا ەكو سيياقتى قىمبات قىزمەتتەر قولجەتٸمدٸ بولا باستاعانىن اتاپ ٶتتٸ.
«مىسالى, ەگەر 2020 جىلى 563 ملن تەڭگە سوماسىندا 643 ەكو مانيپۋلياتسيياسى جٷرگٸزٸلسە, بيىل 1238 قىزمەتكە 1,1 ملرد تەڭگە بٶلٸندٸ. ٶسٸم 2 ەسە بايقالادى. وسى جىلدىڭ 4 ايىندا سوماسى 434 ملن تەڭگەگە ەكو-نىڭ 459 رەسٸمٸ ٶتكٸزٸلدٸ», - دەدٸ مەديتسينالىق ساقتاندىرۋ قورىنىڭ ٶكٸلٸ.
سونداي-اق, بىلتىر 184 كارديوحيرۋرگييالىق وتا جاسالدى, بيىل 631 ملن تەڭگەگە 270 قىزمەت كٶرسەتۋ جوسپارلانعان.
قور وسى جىلدىڭ 4 ايىندا الماتى قالاسى بويىنشا مەمس پاكەتٸندە مەديتسينالىق كٶمەككە اقى تٶلەۋگە شامامەن 42,6 ملرد تەڭگە جۇمسادى.
سونىمەن قاتار, قور حالىققا جوعارى تەحنولوگييالىق قىزمەت كٶرسەتكەنٸ ٷشٸن 6,3 ملرد تەڭگەدەن استام قاراجات تٶلەدٸ, تاعى 2 ملرد تەڭگە كٷندٸزگٸ ستاتسيونار قىزمەتتەرٸن تٶلەۋگە باعىتتالدى.
مەمس جٷيەسٸ اياسىندا جوسپارلى سكرينينگتەرگە 400 ملن تەڭگە, وڭالتۋ كٶمەگٸنە 3 ملرد تەڭگە بٶلٸندٸ. وڭالتۋ قىزمەتتەرٸنە 7,7 ملرد تەڭگە بٶلٸندٸ. بۇل مەديتسينالىق ساقتاندىرۋ باستامالارىنىڭ بٸرٸ – حالىق ٷشٸن وڭالتۋدىڭ قولجەتٸمدٸلٸگٸن ارتتىرۋ.
جىل سايىن وڭالتۋدى ۇسىنۋشىلار سانى ارتىپ كەلەدٸ. مىسالى, 2019 جىلى قالادا وڭالتۋ قىزمەتتەرٸن تەك 4 ەمحانا كٶرسەتكەن بولسا, قازٸر ولاردىڭ سانى 73-كە جەتتٸ.
