ٷكٸمەت باسشىسى اسقار مامين جامبىل وبلىستىق مەسليحاتىنىڭ كەزەكتەن تىس سەسسيياسىنا قاتىستى, دەپ حابارلايدى قر ٷكٸمەتٸنٸڭ باسپاسٶز قىزمەتٸ.
وندا مەملەكەت باسشىسى قاسىم-جومارت توقاەۆتىڭ ٶڭٸر ەكٸمٸ قىزمەتٸنە ۇسىنعان بەردٸبەك ساپارباەۆتىڭ كانديداتۋراسىنا بٸراۋىزدان كەلٸسٸم بەرٸلدٸ.
جامبىل وبلىسىنىڭ اكتيۆٸمەن ٶتكەن كەڭەستە ا. مامين اسقار مىرزاحمەتوۆتٸڭ ٶڭٸردٸڭ دامۋىنا قوسقان ٷلەسٸن اتاپ ٶتٸپ, ايماق ەكٸمٸ لاۋازىمىندا اتقارعان جۇمىسى ٷشٸن العىس بٸلدٸردٸ.
جاڭا ەكٸمدٸ تانىستىرعان پرەمەر-مينيستر ونىڭ ايماقتىق جەنە رەسپۋبليكالىق دەڭگەيلەردەگٸ باسشىلىق قىزمەتتەردەگٸ جۇمىس تەجٸريبەسٸن اتاپ ٶتتٸ.
«تۇڭعىش پرەزيدەنت – ەلباسى نۇرسۇلتان ەبٸشۇلى نازارباەۆ پەن مەملەكەت باسشىسى قاسىم-جومارت كەمەلۇلى توقاەۆ جامبىل وبلىسىنىڭ دامۋىنا ەرەكشە كٶڭٸل بٶلەدٸ. قازٸرگٸ تاڭدا ٶڭٸر باسشىلىعىنىڭ الدىندا اۋقىمدى مٸندەتتەر تۇر. ەڭ الدىمەن, يدەولوگييالىق جۇمىسقا جەنە ۇلتارالىق كەلٸسٸمنٸڭ نىعايۋىنا, ەلەۋمەتتٸك-ەكونوميكالىق جاعداي مەن حالىقتىڭ تۇرمىس ساپاسىن جاقسارتۋعا باسا نازار اۋدارۋ قاجەت», - دەدٸ ا. مامين.
ٷكٸمەت باسشىسى ەكونوميكانىڭ تۇراقتى دامۋىن, ينۆەستيتسييالار تارتۋ, جاڭا جۇمىس ورىندارىن قۇرۋ, ازاماتتاردىڭ ٶمٸر سٷرۋ ساپاسىن جەنە تابىسىن ارتتىرۋ بويىنشا مٸندەتتەردٸ شەشۋدٸڭ ماڭىزدىلىعىن اتاپ ٶتتٸ.
«بەردٸبەك ماشبەكۇلىنا باسشىلىق قىزمەتتەردەگٸ تەجٸريبەسٸ مەن بٸلٸمٸ وبلىس اكتيۆٸمەن جەنە مەسليحات دەپۋتاتتارىمەن بٸرلەسٸپ, مەملەكەت باسشىسى العا قويعان مٸندەتتەردٸ ساپالى ورىنداۋعا مٷمكٸندٸك بەرەتٸنٸنە سەنٸمدٸمٸن», - دەدٸ ا. مامين.
كەزدەسۋدە وبلىستىق جەنە قالالىق مەسليحاتتاردىڭ حاتشىلارى باعلان قاراشولاقوۆ پەن باتىربەك كٷلەكەەۆ, تاراز يننوۆاتسييالىق-گۋمانيتارلىق ۋنيۆەرسيتەتٸنٸڭ رەكتورى ەربولات ساۋرىقوۆ پەن «قازفوسفات» جشس باس ديرەكتورى مۇقاش ەسكەندٸروۆ سٶز سٶيلەپ, مەملەكەت باسشىسى ۇسىنعان بەردٸبەك ساپارباەۆتىڭ كانديداتۋراسىنا قولداۋ بٸلدٸردٸ جەنە جامبىل وبلىسىنىڭ جاڭا ەكٸمٸنە تابىستى ەرٸ جەمٸستٸ جۇمىس تٸلەدٸ.
بەردٸبەك ساپارباەۆ 1953 جىلى قىزىلوردا وبلىسىندا دٷنيەگە كەلگەن. ەڭبەك جولىن 1969 جىلى «زادارينسكيي» سوۆحوزىنىڭ جۇمىسشىسى رەتٸندە باستاعان. 1977 جىلى الماتى حالىق شارۋاشىلىعى ينستيتۋتىن ەكونوميست ماماندىعى بويىنشا بٸتٸردٸ. ينستيتۋتتى بٸتٸرٸسٸمەن رەسپۋبليكالىق مەملەكەتتٸك ەڭبەك جيناقتاۋ كاسسالارى باسقارماسىندا ەكونوميست بولىپ ەڭبەك ەتتٸ.
تٷرلٸ جىلدارى بەردٸبەك ساپارباەۆ پرەزيدەنت اپپاراتىندا, مينيسترلەر كابينەتٸ اپپاراتىندا, قازكسر قارجى مينيسترلٸگٸندە, قر كەدەندٸك باقىلاۋ اگەنتتٸگٸ مەن كوميتەتٸندە, قر قارجى مينيسترلٸگٸندە باسشىلىق قىزمەتتەردٸ اتقارعان. قىزىلوردا, وڭتٷستٸك قازاقستان, شىعىس قازاقستان, اقتٶبە وبلىستارىنىڭ ەكٸمٸ, ەكونوميكا جەنە بيۋدجەتتٸك جوسپارلاۋ ۆيتسە-مينيسترٸ, ەڭبەك جەنە حالىقتى ەلەۋمەتتٸك قورعاۋ مينيسترٸ قىزمەتتەرٸن اتقارعان. 2019 جىلعى تامىزدان باستاپ قر پرەمەر-مينيسترٸنٸڭ ورىنباسارى لاۋازىمىن اتقاردى.
