قر پرەمەر-مينيسترٸ اسقار مامين نۇر-سۇلتان قالاسىندا ModeX ٷي قۇرىلىسى كومبيناتىنىڭ اۆتوماتتاندىرىلعان كونۆەيەرلٸك جەلٸسٸنٸڭ رەسمي اشىلۋىنا قاتىستى, دەپ حابارلايدى "ۇلت اقپارات" قر ٷكٸمەتٸنٸڭ رەسمي سايتىنا سٸلتەمە جاساپ.
كەسٸپورىندا قۇرىلىس مەرزٸمٸن قىسقارتۋعا, ونىڭ ساپاسىن ارتتىرۋعا جەنە تۇرعىن ٷيدٸڭ ٶزٸندٸك قۇنىن تٶمەندەتۋگە مٷمكٸندٸك بەرەتٸن, اقش, سينگاپۋر جەنە گەرمانييادا قولدانىلاتىن ٸرٸ بلوكتى ٷي قۇرىلىسىنىڭ يننوۆاتسييالىق تەحنولوگييالارى ەنگٸزٸلگەن.
مودۋلدٸك بلوكتار تۇرعىن ٷي كەشەندەرٸن, كوتتەدجدەردٸ, ەلەۋمەتتٸك ينفراقۇرىلىم وبەكتٸلەرٸن, ونىڭ ٸشٸندە وقۋ ورىندارىن, ساۋدا پاۆيلوندارىن, قىزمەتتٸك ٷي-جايلاردى جەنە ت. ب. سالۋدا دا پايدالانىلادى. ٸرٸ بلوكتى ٷي قۇرىلىسى كليماتتىق جاعدايلارعا تەۋەلدٸ ەمەس, ٶيتكەنٸ جۇمىستىڭ 80%-ى — ارماتۋرا بايلامىنان باستاپ تازا ەرلەۋدە مودۋلدەردٸ قالىپتاستىرۋعا دەيٸن كەسٸپورىندا جٷزەگە اسىرىلادى, بۇل بارلىق پروتسەستەردٸ ەدەۋٸر جىلدامداتادى. مەسەلەن, بولاشاقتا 16 قاباتتى تۇرعىن ٷيدٸ سالۋ ٷشٸن تەك تٶرت اي ۋاقىت قاجەت بولادى. مودۋلدەردٸ ٶندٸرۋگە قاجەتتٸ نەگٸزگٸ ماتەريال — كەرامزيتبەتون.
كەسٸپورىننىڭ تەمٸربەتون ٶنٸمٸ «قازقسعزي» اق-نىڭ جوعارى بەرٸكتٸگٸ مەن ۇزاق مەرزٸمدٸلٸگٸنە جاسالعان سىناعىنان سەتتٸ ٶتتٸ. كٶپساتىلى وپەراتسييالىق باقىلاۋدىڭ جەنە اۆتوماتتاندىرۋدىڭ جوعارى دەڭگەيٸنٸڭ ارقاسىندا جوعارى ساپالى ٶنٸمگە قول جەتكٸزٸلەدٸ.
BI Group قۇرىلىس حولدينگٸنٸڭ ەنشٸلەس كەسٸپورنى – ٷي قۇرىلىسى كومبيناتىنىڭ جوبالىق قۋاتى جىلىنا 200 مىڭ شارشى مەتر تۇرعىن ٷيدٸ قۇرايدى. 2023 جىلعا دەيٸن جالپى جوبالىق قۋاتى 500 مىڭ شارشى مەتر تۇرعىن ٷيدٸڭ ٷش كەزەگٸن سالۋ كٶزدەلگەن. كومبينات 1 مىڭنان استام جۇمىس ورنىن اشادى.
الداعى ۋاقىتتا الماتى مەن شىمكەنتتە ٸرٸ بلوكتى ٷي قۇرىلىسى زاۋىتتارىن اشۋ جوسپاردا بار.
«ٸرٸ بلوكتى ٷي قۇرىلىسى قازاقستاننىڭ قۇرىلىس سالاسىن دامىتۋعا سەرپٸن بەرەدٸ جەنە ەلٸمٸزدٸڭ تۇرعىن ٷي جەنە ەلەۋمەتتٸك ينفراقۇرىلىمىن سالۋ كٶلەمٸن كەڭەيتۋ جٶنٸندەگٸ مٸندەتتەردٸ شەشۋگە ىقپال ەتەدٸ», - دەدٸ ا. مامين.
ٸس-شاراعا پرەمەر-مينيستردٸڭ ورىنباسارى ر. سكليار, نۇر-سۇلتان قالاسىنىڭ ەكٸمٸ ا. كٶلگٸنوۆ, يندۋسترييا جەنە ينفراقۇرىلىمدىق دامۋ مينيسترٸ ب. اتامقۇلوۆ, بٸلٸم جەنە عىلىم مينيسترٸ ا. ايماعامبەتوۆ قاتىستى.
