قر پرەمەر-مينيسترٸ اسقار مامين ماڭعىستاۋ وبلىسىنا جۇمىس ساپارى بارىسىندا اٶك, كٶلٸك, تۋريزم سالالارىنداعى ينۆەستيتسييالىق جوبالاردىڭ ٸسكە اسىرىلۋىمەن, سونداي-اق حالىقتى ۆاكتسينالاۋ بارىسىمەن تانىستى.
تٷپقاراعان اۋدانىندا ٷكٸمەت باسشىسى بيىل سەۋٸر ايىندا پايدالانۋعا بەرٸلگەن «اقتاۋ اگرو» جشس قۇس فابريكاسىنا باردى, دەپ حابارلايدى "ۇلت اقپارات" ٷكٸمەتتٸڭ باسپاسٶز قىزەمتٸنە سٸلتەمە جاساپ.
كەسٸپورىندا 90-نان استام تۇراقتى جۇمىس ورنى اشىلدى. مۇنايلى اۋدانىندا پرەمەر-مينيستر 85 گا اۋماقتا سالىنىپ جاتقان «Aktau Green House» جشس جىلىجاي كەشەنٸنٸڭ قۇرىلىس جوباسىمەن تانىستى. جوبا 2 كەزەڭدە جٷزەگە اسىرىلادى. بٸرٸنشٸ كەزەڭدە ينۆەستيتسييا كٶلەمٸ 26 ملرد تەڭگەنٸ قۇرايدى. بيىلعى جەلتوقسان ايىنا قاراي كەسٸپورىندا 180-نەن استام جۇمىس ورنى قۇرىلادى, ال ٶندٸرٸس كٶلەمٸ جىلىنا 8 مىڭ توننا كٶكٶنٸستٸ قۇرايدى. ەكٸنشٸ كەزەڭدە – 2022 جىلدىڭ سوڭىنا قاراي جۇمىس ورىندارىنىڭ سانى 430-عا دەيٸن, ال جىلىجاي كەشەنٸنٸڭ قۋاتى 13 مىڭ توننا ٶنٸمگە دەيٸن ۇلعايتىلادى.
ا. مامين اقتاۋ قالاسىنىڭ تۋريستٸك ينفراقۇرىلىمىنىڭ قۇرىلىس الاڭدارىن — تاقىرىپتىق ويىن-ساۋىق پاركٸن, گولف-كلۋبىن, اپارتامەنتتەر مەن جالپى سانى 600-دەن استام نٶمٸرٸ بار Fairmont, Hilton, Aqualina Resort برەندتەرٸنٸڭ قوناق ٷيلەرٸن ارالادى.
ٷكٸمەت باسشىسى جوسپارلانعان نىساندار قۇرىلىسىنىڭ ۋاقىتىلى ەرٸ ساپالى اياقتالۋىن قامتاماسىز ەتۋدٸ تاپسىردى.
