قر پرەمەر-مينيسترٸ اسقار مامين اقتٶبە جەنە اتىراۋ وبلىستارىنا جۇمىس ساپارى اياسىندا «اقتٶبە – اتىراۋ – استراحان» اۆتوجولىن رەكونسترۋكتسييالاۋ بارىسىن تەكسەردٸ, دەپ حابارلايدى primeminister.kz.
اۆتوجولدىڭ جالپى ۇزىندىعى - 897 شاقىرىم. ونىڭ ٸشٸندە اقتٶبە وبلىسى بويىنشا – 311 كم, اتىراۋ وبلىسى بويىنشا – 586 كم. 2015 جىلى «اتىراۋ – ماقات» ۋچاسكەسٸنٸڭ 164 شاقىرىمى قايتا سالىندى.
قازٸرگٸ تاڭدا «اقتٶبە – قاندىاعاش», «قاندىاعاش – ماقات», «اتىراۋ – رف شەكاراسى» ۋچاسكەلەرٸندەگٸ اۆتوجولدىڭ 733 شاقىرىمىندا رەكونسترۋكتسييالاۋ جۇمىستارى جٷرگٸزٸلٸپ جاتىر.
«اقتٶبە – قاندىاعاش» ۋچاسكەسٸ (96 كم) 4 جولاقتى قوزعالىسى بار I ساناتتى 78 كم جولدى جەنە 2 جولاقتى قوزعالىسى بار II ساناتتى قاندىاعاش قالاسىن اينالىپ ٶتەتٸن 18 شاقىرىم جولدى قامتيدى. جىل سوڭىنا دەيٸن مۇندا 18 شاقىرىمدى جاڭا جول تٶسەمٸمەن قامتاماسىز ەتۋ جوسپارلانعان.
«قاندىاعاش – ماقات» ۋچاسكەسٸندە (360 كم) اسفالتبەتون تٶسەۋ جەنە جولدى اباتتاندىرۋ بويىنشا سوڭعى جۇمىستار جٷرگٸزٸلٸپ جاتىر. 2021 جىلى جاڭا جابىنمەن ۋچاسكەنٸڭ بارلىق ۇزىندىعى بويىنشا قوزعالىستى تولىق قامتاماسىز ەتۋ كٶزدەلگەن. بۇل رەتتە اقتٶبە قالاسىنان اتىراۋ قالاسىنا دەيٸنگٸ جول ەكٸ ەسە قىسقارادى – بۇرىن اقتٶبە-اتىراۋ ۋچاسكەسٸنٸڭ قاناعاتتاندىرارلىقسىز جاي-كٷيٸنە بايلانىستى جٷرگٸزۋشٸلەرگە كٶرشٸلەس ٶڭٸرگە ورال ارقىلى بارىپ, قوسىمشا 500 شاقىرىمعا جۋىق جول جٷرۋگە تۋرا كەلەتٸن.
جالپى ۇزىندىعى 277 شاقىرىمعا سوزىلاتىن «اتىراۋ – رف شەكاراسى» ۋچاسكەسٸ (استراحان قالاسى باعىتىندا) 1970 جىلدارى وسٸنە 8 توننا جٷكتەمەمەن سالىنعان III ساناتتاعى رەسپۋبليكالىق ماڭىزى بار جول بولىپ تابىلادى. اۋىر جٷك تاسىمالدايتىن ترانزيتتٸك كٶلٸك قۇرالدارىنىڭ قوزعالىس قارقىندىلىعىنىڭ ارتۋىنا بايلانىستى جولدىڭ جاعدايى ناشارلاپ كەتكەن.
قايتا جٶندەۋ نەتيجەسٸندە جىل سوڭىنا دەيٸن 92 شاقىرىم جولدا قوزعالىس قامتاماسىز ەتٸلەدٸ, قالعان 185 شاقىرىم جولدا جەر تٶسەمٸ تٶسەلٸپ, جول تٶسەمٸنٸڭ, كٶپٸرلەر مەن قۇبىرلاردىڭ قۇرىلىمدىق قاباتتارى سالىنىپ جاتىر. جۇمىستاردى 2022 جىلى اياقتاۋ جوسپارلانۋدا.
2021 جىلى قازاقستاندا 8,4 مىڭ شاقىرىم اۆتوجول, ونىڭ ٸشٸندە رەسپۋبليكالىق ماڭىزى بار 5 مىڭ شاقىرىم, جەرگٸلٸكتٸ جەلٸ 3,4 مىڭ شاقىرىم جول قۇرىلىس جەنە قايتا جاڭارتۋ جۇمىستارىمەن قامتىلدى. جول-قۇرىلىس جۇمىستارىنا 200 مىڭعا جۋىق ادام تارتىلعان. بيىل ەلٸمٸزدە 5,1 مىڭ شاقىرىم جولدا جۇمىستار اياقتالاتىن بولادى. قالعان جۇمىس كٶلەمٸ اۋىسپالى جەنە 2022 جىلى ورىندالادى.
