قر پرەمەر-مينيسترٸ اسقار مامين مەمورگاندار مەن ٶڭٸر ەكٸمدٸكتەرٸنە ەلەۋمەتتٸك ماڭىزى بار ازىق-تٷلٸك باعاسىن تۇراقتاندىرۋدى تاپسىردى, دەپ حابارلايدى قازاقپارات.
«قازاقستان ەكونوميكاسى وڭ ٶسٸم كٶرسەتۋدە. ٶتكەن جىلدىڭ وسىنداي كەزەڭٸمەن سالىستىرعاندا بيىلعى بەس اي ٸشٸندە ٶسٸم 1,6% بولدى.
ەكونوميكا دامۋىنىڭ نەگٸزگٸ درايۆەرلەرٸ – ٶڭدەۋ ٶنەركەسٸبٸندە ٶسٸم 7,2% پايىز, ماشينا قۇراستىرۋدا 21,1%, ونىڭ ٸشٸندە اۆتوموبيل جاساۋدا 26,4% جەنە لوكوموتيۆتەر مەن ۆاگوندار قۇراستىرۋدا ٶسٸم 54,9% بولدى.
ٶڭدەۋشٸ سەكتوردا جوعارى سەرپٸن كٶرسەتكەن سالالار – حيمييا ٶنەركەسٸبٸندە ٶسٸم 9,8%, جەڭٸل ٶنەركەسٸبٸندە 5,5%, مەتاللۋرگييادا 2,7%, فارماتسەۆتيكادا 25,7% جەنە مۇناي ٶڭدەۋدە 3,4%.
قۇرىلىس سەكتورىندا ٶسٸم 11,3% پايىز جەنە تۇرعىن ٷيدٸ پايدالانۋعا بەرۋدە 12,5% - نەمەسە 4,6 ملن شارشى مەتر جوعارى ٶسٸم قارقىنى قامتاماسىز ەتٸلدٸ.
اۋىل شارۋاشىلىعىنداعى ٶسۋ قارقىنى – ورنىقتى, 3,1% قۇراپ وتىر», - دەپ اتاپ ٶتتٸ پرەمەر-مينيستر بٷگٸنگٸ ٷكٸمەت وتىرىسىندا.
بٷكٸل ەكونوميكاداعى نەگٸزگٸ كاپيتالعا ينۆەستيتسييالاردىڭ ٶسۋٸ, تاۋ-كەن ٶندٸرۋدٸ ەسەپتەمەگەندە, 25,5% قۇرادى. قىزمەت كٶرسەتۋ سەكتورىندا, اتاپ ايتقاندا, ساۋدا جەنە بايلانىس سالاسىندا ەكٸنشٸ اي قاتارىنان وڭ قارقىن بايقالىپ وتىر.
«بيىلعى قاڭتار-مامىر ايلارىنىڭ قورىتىندىسى بويىنشا بارلىق 7 نەگٸزگٸ ماكروكٶرسەتكٸش بويىنشا ماڭعىستاۋ وبلىسى مەن شىمكەنت قالاسىندا ٶسٸم بايقالىپ وتىر. 6 نەگٸزگٸ كٶرسەتكٸش بويىنشا جەتٸ ٶڭٸردە جوعارى قارقىن تٸركەلدٸ. بۇلار – اقمولا, اقتٶبە, جامبىل, قاراعاندى, پاۆلودار, الماتى جەنە تٷركٸستان وبلىستارى. جەتٸ ٶڭٸردە 5 كٶرسەتكٸش بويىنشا وڭ سەرپٸن بار. بۇل – اتىراۋ, شىعىس قازاقستان, قوستاناي, قىزىلوردا, سولتٷستٸك قازاقستان وبلىستارى مەن نۇر-سۇلتان, الماتى قالالارى. باتىس قازاقستان وبلىسىندا ەڭ تٶمەنگٸ كٶرسەتكٸشتەر بايقالدى», - دەيدٸ مامين.
پرەمەر-مينيستر ٶسۋ سەرپٸنٸن ۇستاپ تۇرۋ ٷشٸن ەكونوميكانى ودان ەرٸ ەرتاراپتاندىرۋ, ينۆەستيتسييالار تارتۋ جەنە جۇمىس ورىندارىن قۇرۋ جۇمىستارىن جالعاستىرۋ قاجەتتٸگٸن ايتتى.
«سونىمەن قاتار, ينفلياتسييا دەڭگەيٸنٸڭ ٶسۋٸ بايقالۋدا. بۇل – بٸرقاتار تاۋارلار مەن اقىلى قىزمەتتەر باعاسىنىڭ ۇلعايۋىنا بايلانىستى. ٶڭٸرلەر ەكٸمدٸكتەرٸنە مەملەكەتتٸك ورگاندارمەن بٸرگە ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىن تۇراقتاندىرۋ, تاماق ٶنٸمدەرٸنٸڭ ٶندٸرٸسٸن ىنتالاندىرۋ جەنە ولارمەن ٸشكٸ نارىقتى مولىقتىرۋ بويىنشا ناقتى شارالار قابىلداۋدى تاپسىرامىن.
بەسەكەلەستٸكتٸ قورعاۋ جەنە دامىتۋ اگەنتتٸگٸ ٶڭٸرلەر ەكٸمدٸكتەرٸمەن بٸرگە ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىن نەگٸزسٸز ٶسۋ فاكتٸلەرٸنٸڭ جولىن كەسۋدٸ دەر كەزٸندە قامتاماسىز ەتسٸن», - دەپ تاپسىرما بەردٸ ول.
سونىمەن بٸرگە, كٸرٸستەر بويىنشا بيۋدجەتتٸڭ اتقارىلۋى بيىلعى جوسپارعا قاتىستى 101,6% دەڭگەيٸندە قالىپتاستى.
«ەكٸمشٸلەرگە اي سايىنعى جوسپارلى يگەرۋدٸ قامتاماسىز ەتۋدٸ تاپسىرامىن. التى ايدىڭ قورىتىندىسى بويىنشا ەلدٸڭ ەلەۋمەتتٸك-ەكونوميكالىق دامۋ قورىتىندىلارىن مەملەكەت باسشىسى دەڭگەيٸندە قاراستىرۋ كٶزدەلٸپ وتىر. مينيسترلٸكتەر مەن ەكٸمدٸكتەرگە جۇمىستى جانداندىرىپ, ۇلتتىق ەكونوميكانىڭ جوسپارلانعان ٶسۋ كٶرسەتكٸشتەرٸنە قول جەتكٸزۋ بويىنشا مەملەكەت باسشىسى بەلگٸلەپ بەرگەن مٸندەتتەردٸ ٸسكە اسىرۋدا تيٸستٸ شارالار قابىلداۋدى تاپسىرامىن», - دەدٸ اسقار مامين.
