ەكولوگييا, گەولوگييا جەنە تابيعي رەسۋرستار مينيسترلٸگٸ ەگٸلگەن ورماننىڭ ينتەراكتيۆتٸ كارتاسىن ٸسكە قوسپاقشى, دەپ حابارلايدى "ۇلت اقپارات".
بۇل تۋرالى ۆيتسە-مينيستر ەلييا شالابەكوۆا ورتالىق كوممۋنيكاتسييالار قىزمەتٸندە ٶتكەن بريفينگٸدە ايتتى.
«قازٸرگٸ ۋاقىتتا ەگٸلگەن ورمانعا مونيتورينگ جاساپ, باقىلاۋ جٷرگٸزەتٸن ينتەراكتيۆتٸ كارتا قۇرۋ مەسەلەسٸ پىسىقتالۋدا. قازٸردٸڭ ٶزٸندە «عارىش ساپارى» ۇلتتىق كومپانيياسىندا ورمان ەكپەلەرٸن, زاڭسىز اعاش كەسۋ فاكتٸلەرٸن جەنە ورمان قورىنىڭ قۇرىلىمىن مونيتورينگٸلەيتٸن پلاتفورما جۇمىس ٸستەپ تۇر. ول جٷيە ورمان شارۋاشىلىعى قىزمەتكەرلەرٸنە قولجەتٸمدٸ. 1 قىركٷيەكتەن باستاپ وسى جٷيە نەگٸزٸندە ورمان القاپتارىنىڭ تسيفرلىق كارتاسىن تٷزٸپ, سونىڭ نەگٸزٸندە ورمان ەكپەلەرٸنٸڭ ۋچاسكەلەرٸ, الاڭدارى مەن تۇقىمدىق قۇرامى كٶرسەتٸلەتٸن ينتەراكتيۆتٸ كارتانى ەنگٸزٸلەدٸ. بۇل كارتانى ورمان مەكەمەلەرٸنٸڭ قولدانىستاعى جەلٸسٸمەن بايلانىستىرامىز», - دەدٸ مينيستردٸڭ ورىنباسارى.
ۆەدومستو ٶكٸلٸنٸڭ ايتۋىنشا, اتالمىش ينتەراكتيۆتٸ كارتانى قاراپايىم تۇرعىندار دا موبيلدٸ قۇرىلعىلار ارقىلى تەۋلٸك بويى پايدالانا الادى.
