Ekologiia, geologiia jáne tabiǵi resýrstar ministrligi egilgen ormannyń interaktivti kartasyn iske qospaqshy, dep habarlaidy "Ult aqparat".
Bul týraly vitse-ministr Áliia Shalabekova ortalyq kommýnikatsiialar qyzmetinde ótken brifingide aitty.
«Qazirgi ýaqytta egilgen ormanǵa monitoring jasap, baqylaý júrgizetin interaktivti karta qurý máselesi pysyqtalýda. Qazirdiń ózinde «Ǵarysh sapary» ulttyq kompaniiasynda orman ekpelerin, zańsyz aǵash kesý faktilerin jáne orman qorynyń qurylymyn monitoringileitin platforma jumys istep tur. Ol júie orman sharýashylyǵy qyzmetkerlerine qoljetimdi. 1 qyrkúiekten bastap osy júie negizinde orman alqaptarynyń tsifrlyq kartasyn túzip, sonyń negizinde orman ekpeleriniń ýchaskeleri, alańdary men tuqymdyq quramy kórsetiletin interaktivti kartany engiziledi. Bul kartany orman mekemeleriniń qoldanystaǵy jelisimen bailanystyramyz», - dedi ministrdiń orynbasary.
Vedomsto ókiliniń aitýynsha, atalmysh interaktivti kartany qarapaiym turǵyndar da mobildi qurylǵylar arqyly táýlik boiy paidalana alady.
