جىل باسىنان بەرٸ مال ۇرلىعىمەن اينالىسقان 112 قىلمىستىق توپ ۇستالدى. بۇل جايىندا قر ٸٸم رەسمي ٶكٸلٸ نۇردٸلدە وراز مەلٸم ەتتٸ, دەپ حابارلايدى قازاقپارات.
«قىلمىستىق كودەكسكە مٷلكٸن تەركٸلەپ, 12 جىلعا دەيٸن باس بوستاندىعىنان ايىرۋ تٷرٸندەگٸ ەڭ جوعارعى جازانى كٶزدەيتٸن «مال ۇرلىعى» جەكە بابى ەنگٸزٸلدٸ. وسى باپ نەگٸزٸندە ٷي-جايلارعا كٸرٸپ مال ۇرلايتىندارعا جازا كٷشەيتٸلدٸ. سونداي-اق بۇل باپ ۇرىلاردىڭ جەبٸرلەنۋشٸلەرمەن تاتۋلاسۋ ارقىلى جاۋاپكەرشٸلٸكتەن جالتارۋىنا جول بەرمەۋگە جەنە ۇرلىقتىڭ الدىن الۋدى كٷشەيتۋگە مٷمكٸندٸك بەردٸ», - دەدٸ رەسمي ٶكٸل ٸٸم باسپاسٶز الاڭىندا ٶتكەن بريفينگتە.
ونىڭ اتاپ ٶتۋٸنشە, مال ۇرلىعىنىڭ توپتىق تٷرٸمەن كٷرەسۋ ٷشٸن ٶڭٸرلەردە جەدەل-ٸزدەستٸرۋ توپتارى جۇمىس ٸستەيدٸ. ولار مال بازارلارى مەن مال سويۋ ورىندارىندا ارنايى رەيدتەر جٷرگٸزەدٸ.
«جىل باسىنان بەرٸ پوليتسييا 800-دەن استام مال ۇرلىعىن, ونىڭ ٸشٸندە 112 قىلمىستىق توپتى ۇستادى. ۇرلانعان 7 مىڭ مالدىڭ 4 مىڭعا جۋىعى تابىلىپ, قايتارىلدى»,- دەدٸ نۇردٸلدە وراز.
