ماقتاارال اۋدانىندا «اقكەرۋەن-2017» ماقتا تەرٸمٸنٸڭ اشىلۋ سالتاناتى ٶتتٸ. مەرەكەلٸك شارادا «اق التىننىڭ» باعاسى انىقتالىپ, ماقتانى قابىلداۋ بەكەتتەرٸ العاشقى ٶنٸمدٸ تونناسىن 165 مىڭ تەڭگەدەن قابىلداي باستادى, - دەپ حابارلايدى "ۇلت اقپارات" وڭتٷستٸك قازاقستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
جەردٸ ٶڭدەۋدٸڭ جاڭا ەرٸ تيٸمدٸ تەسٸلٸن قولدانۋدىڭ نەتيجەسٸندە ماقتاارالداعى 95 مىڭ گەكتار جەرگە سەبٸلگەن شيتتٸ ماقتادان ورتاشا ەسەپپەن گەكتارىنا 21-24 تسەنتنەردەن ٶنٸم الۋ كٶزدەلٸپ وتىر. بٷگٸندە اۋدانداعى ماقتا قابىلداۋ بەكەتتەرٸنە 15 مىڭ توننادان استام اق التىن كەلٸپ تٷسكەن بولسا, ديقاندار تەرٸم بٸتكەنشە 200 مىڭ توننا اق ۇلپا جيناپ الۋدى جوسپارلاۋدا.
بيىلعى ماقتا كەلٸسٸنٸڭ باعاسى - 165 تەڭگە. بەسەكەلەستٸك ورتادا ماقتانىڭ باعاسى 200 تەڭگەگە دەيٸن كٶتەرٸلەدٸ دەگەن بولجام بار.
جالپى بيىل وڭتٷستٸك قازاقستاندا 134,6 مىڭ گەكتار جەرگە ماقتا شيتٸ سەبٸلگەن. بۇل ٶتكەن جىلمەن سالىستىرعاندا 25 مىڭ گەكتارعا ارتىق. 2016 جىلى شارۋالار ەر گەكتارىنا ورتاشا ەسەپپەن 26,2 تسەنتنەردەن ٶنٸم الىپ, بارلىعى 286,4 مىڭ توننا اق ۇلپا جيناعان. ەگٸس كٶلەمٸنٸڭ ارتۋىنا بايلانىستى ٶڭٸردە 300 مىڭ توننادان استام ماقتا جينالادى دەپ جوسپارلانۋدا.
وقو ٶڭٸرلٸك كوممۋنيكاتسييالار قىزمەتٸنٸڭ ۇيىمداستىرۋىمەن ٶتكەن اقپاراتتىق تۋر كەزٸندە جۋرناليستەر ماقتالى ايماقتاعى مەملەكەتتٸك باعدارلامالاردىڭ اياسىندا كٶمەك الىپ, ٶندٸرٸسٸن كەڭەيتٸپ, اۋداننىڭ ەلەۋمەتتٸك-ەكونوميكالىق دامۋىنا ايتارلىقتاي اتسالىسىپ جٷرگەن بٸرقاتار شارۋاشىلىقتار مەن ٶندٸرٸس وشاقتارىن ارالاپ, جۇمىسىمەن تانىساتىن بولادى.
