قازٸرگٸ تاڭدا ماقتاارال اۋدانىندا ورىن العان جاعدايعا بايلانىستى 2243 ازامات قاۋٸپسٸز ايماققا كٶشٸرٸلدٸ. سونداي-اق, سۋدان قاۋٸپ تٶنگەن نۇرلىجول مەن فرەداۋسي اۋىلدارىنان 415 ٷيدٸڭ 3200-دەن استام تۇرعىنى قاۋٸپسٸز ايماققا شىعارىلعان. بٷگٸن بۇل تۋرالى ماقتاارال اۋدانىنىڭ ورتالىعى - مىرزاكەنت كەنتٸندە ورنالاسقان وبلىستىق شتاب جەتەكشٸسٸنٸڭ ورىنباسارى سەكەن قالقامانوۆ ونلاين رەجيمدە ٶتكٸزگەن باسپاسٶز مەسليحاتىندا مەلٸم ەتتٸ, دەپ حابارلايدى تٷركٸستان وبلىسى ەكٸمدٸگٸنٸڭ باسپاسٶز قىزمەتٸ.
ونىڭ ايتۋىنشا, سۋ تاسقىنى اۋدان بويىنشا 4 ەلدٸمەكەنگە قاۋٸپ تٶندٸرگەن. بۇل دەگەنٸمٸز 4624 حالقى بار 868 ٷي سۋ استىندا قالۋى مٷمكٸن دەگەن سٶز. الايدا, قازٸر دەر كەزٸندە قولعا الىنعان شارالاردىڭ ارقاسىندا قاۋٸپتٸڭ بەتٸ قايتقان. تٶتەنشە جاعدايعا بايلانىستى 18ەۆوكۋاتسييالىق ورىندار دايىندالىپ, ولار اتاكەنت, ماقتارال, جامبىل ەلدٸمەكەندەرٸندە ورنالاسقان. اپاتتان قۇتقارۋ جۇمىستارىنا 630 ادام مەن 2 سۋ كٶلٸگٸ جەنە 56 تەحنيكا جۇمىلدىرىلعان. قازٸرگٸ تاڭدا قاۋٸپتٸ ايماقتاعى ازاماتتار مەن ٷي جانۋارلارىن قاۋٸپسٸز جەرگە كٶشٸرۋ شارالارى ۇيىمداستىرىلادى. بۇل جۇمىستارعا كەلەس, جەتٸساي, شاردارا, سارىاعاش اۋداندارىنىڭ ەكٸمشٸلٸكتەرٸ اتسالىساتىن بولادى.
دەسەك تە, اۋداندا سۋ باسىپ قالۋ قاۋپٸ بار اۋىلدار دا جوق ەمەس. سولاردىڭ بٸرٸ - جاڭااۋىل اۋىلدىق وكرۋگٸنە قاراستى فەردوۋسي ەلدٸمەكەنٸ. قازٸرگٸ تاڭدا اۋىل ورتاسىنداعى «فەردوۋسي» جالپى ورتا مەكتەبٸنٸڭ اۋماعىنا سۋ كٶتەرٸلگەن. سونىمەن قاتار, 6 ٷيدٸڭ اۋلاسىنا سۋ كەتكەن. ەلدٸمەكەننٸڭ ٸشكٸ كوللەكتورىنا سۋ تولعان. جەڭٸس ەلدٸمەكەنٸنە كٸرەتٸن نەگٸزگٸ كٶپٸردٸ سۋ شايىپ كەتكەن. كٶپٸردٸڭ ۇزىندىعى 10 مەتر, ەنٸ 6 مەتردٸ قۇرايدى. سونداي-اق, نۇرلىجول اۋىلىنداعى 28 گەكتار ماقتالى ەگٸستٸگٸن سۋ باسقان.
بۇدان بٶلەك, سۋ تاسقىنى كەزٸندە جاڭا جول مەن ەڭبەكشٸاۋىلدىق وكرۋگتەرٸندەگٸ 3 ەلدٸمەكەندە 1682 گەكتار اۋىل شارۋاشىلىعى داقىلدارى زارداپ شەكەنٸ انىقتالدى. الدىن الا بولجامدىق ەسەپ بويىنشا 181,1 ملن. تەڭگەنٸڭ شىعىنى ەسەپتەلٸپ وتىر. اتاپ ايتقاندا, 1480 گەكتار ماقتا 148 ملن. تەڭگەگە, 42 گەكتار جوڭىشقا - 2,1 ملن, 150 گەكتار باقشا - 30 ملن, 10 گەكتار جٷگەرٸ - 1 ملن. تەڭگەلٸك شىعىنعا ۇشىرادى دەپ بولجانۋدا. سونداي-اق, اتالعان 4 ەلدٸمەكەندە 5335 مال باسى تٸركەلٸپ, ونىڭ ٸشٸندە 799 مال باسى زارداپ شەگٸپ, 249 ملن. شىعىنعا ۇشارادى. ونىڭ 328-ٸ ٸرٸ قارا, 361-ٸ ۇساق مال, 53-ٸ جىلقى, 57-سٸ تٷيە.
قازٸرگٸ تاڭدا ماقتارالدان 46-ى, جەتٸسايدان 10, شاردارادان 5, بارلىعى 61 ۆەتەرينارلىق دەرٸگەرلەر جانتاقساي, فەردوۋسي ەلدٸمەكەندەرٸندەگٸ 3686 مالدى ەۆاكۋاتسييالاۋ جۇمىستارىن جٷرگٸزۋدە.
