ماقتاارال اۋدانىندا توپان سۋدان شارداپ شەككەن ٷش اۋىلدىڭ تۇرعىندارىنا سالىنىپ جاتقان جاڭا مٶلتەك اۋداننىڭ قۇرىلىسى قارقىندى. مۇندا قازٸرگٸ تاڭدا 386 ٷيدٸڭ قۇرىلىسى جٷرگٸزٸلۋدە, دەپ حابارلايدى "ۇلت اقپارات".
مىرزاكەنت اۋىلىندا سالىنىپ جاتقان مٶلتەكاۋداندا بٷگٸندە 46 ٷيدە ٸشكٸ ەرلەۋ, 54-ٸندە شاتىر جابۋ, 239-ىندا قابىرعا قالاۋ جۇمىستارى جٷرگٸزٸلۋدە. ال, 77-سٸندە بٸرٸنشٸ جاپپاسىن جابۋ, 10-ىندا ٸرگەتاسىن قالاۋ جۇمىستارى جالعاسۋدا. جاڭادان سالىنىپ جاتقان 386 ٷيدٸڭ 196-سى ٷكٸمەتتٸك رەزەرۆتەن, ال 190-ى قورلار ەسەبٸنەن بوي كٶتەرۋدە.
«الداعى 1-شٸ شٸلدە كٷنٸ 55 ٷيدٸڭ قۇرىلىسى تولىق اياقتالىپ, 100 ٷيدٸڭ شاتىرى جابىلىپ بٸتەدٸ دەپ جوسپارلاپ وتىرمىز. قۇرىلىس قارقىنى بٸر سەتكە دە بەسەڭدەپ وتىرعان جوق. مەردٸگەر مەكەمەلەر ەكٸ كەزەڭدە جۇمىس ٸستەۋدە. ياعني, كٷندٸزگٸ جەنە تٷنگٸ اۋىسىمدا جۇمىستارىن جالعاستىرۋدا. ەزٸرگە قۇرىلىس ماتەريالدارىنان نەمەسە قۇرىلىسشىلاردان تاپشىلىق ورىن الىپ وتىرعان جوق», - دەيدٸ ماقتاارال اۋداندىق سەۋلەت, قالا قۇرىلىسى جەنە قۇرىلىس بٶلٸمٸنٸڭ باسشىسى بيجان اناربەكوۆ.
جاڭا مٶلتەكاۋدانداعى 70 گەكتار اۋماقتا تۇرعىن ٷي قۇرىلىسىنان بٶلەك, ينفراقۇرىلىمدىق ياعني گاز, سۋ, جول, جارىق تارتۋ جۇمىستارى قاتار جٷرگٸزٸلۋدە. سونداي-اق, 1200 ورىندىق مەكتەپ پەن 280 ورىندىق بالاباقشانىڭ ورنىن ەزٸرلەۋ جۇمىستارى جالعاسۋدا. ايتا كەتەيٸك, جاڭا مٶلتەكاۋداندا 31 مەردٸگەر كومپانييا مەن ونىڭ 1507 قۇرىلىسشىسى ەڭبەك ەتۋدە. ٶزدەرٸنە تيەسٸلٸ ٷيلەردٸڭ قۇرىلىسىن جٷرگٸزۋدە جەتٸسايلىق «نٷرٸ-ل- جەتٸساي» قۇرىلىس كومپانيياسى الدىڭعى قاتاردا كەلەدٸ. ولار قازٸردٸڭ ٶزٸندە 9 ٷيدٸڭ ٸشكٸ ەرلەۋ جۇمىستارىن بٸتٸرۋگە تاياۋ. جالپى اتالعان كومپانييا وسىنداعى 20 ٷيدٸڭ قۇرىلىسىن جٷرگٸزۋ قۇقىعىن يەلەنگەن بولاتىن. بٷگٸندە مەردٸگەر كومپانييادا 110 قۇرىلىسشى مەن 20-عا تارتا تەحنيكا توقتاۋسىز جۇمىس ٸستەۋدە.
