تٷركٸستان وبلىسىنا قاراستى ماقتاارال مەن جەتٸساي اۋداندارىندا 130 شاقىرىمدىق جول جٶندەلۋدە. اۋقىمدى جۇمىستار ايماق باسشىسى ٶمٸرزاق شٶكەەۆتٸڭ تاپسىرماسى اياسىندا اتقارىلۋدا, حابارلايدى "ۇلت اقپارات".
اتالعان ەكٸ اۋداندا ۇزىندىعى 70 شاقىرىم رەسپۋبليكالىق جەنە 59,4 شاقىرىم وبلىستىق ماڭىزى بار جولدار كٷردەلٸ جەنە ورتاشا جٶندەۋدەن ٶتۋدە. ونىڭ ٸشٸندە, جەتٸساي اۋدانىندا 11,5 شاقىرىمدى قۇرايتىن وبلىستىق ماڭىزى بار كح-117 «سىرابات-ٷتٸرتٶبە-كٶكتٶبە» باعىتىنداعى اۆتوموبيل جولى رەتكە كەلتٸرٸلٸپ جاتىر.
ماماندار قۇرىلىس جۇمىستارىنىڭ جىل سوڭىندا اياقتالىپ, تولىقتاي پايدالانۋعا بەرٸلەتٸنٸن ايتادى. سونىمەن قاتار, جاقىن ارادا ۇزىندىعى 19,9 شاقىرىم بولاتىن وبلىستىق ماڭىزى بار كح-86 «جەتٸساي-ماقتالى» باعىتىنداعى اۆتوموبيل جولىنا ورتاشا جٶندەۋ جۇمىستارى باستالماق.
نىساننىڭ جٶندەۋ جۇمىستارى 2021 جىلعا ٶتپەلٸ. ال, ماقتاارال اۋدانى اۋماعىندا ۇزىندىعى 16,4 شاقىرىمدىق وبلىستىق ماڭىزى بار كح-78 «اتاكەنت-كەڭەسشٸل-ەسەنتاەۆ» پەن 6,9 شاقىرىمدى قۇرايتىن وبلىستىق ماڭىزى بار كح-164 «ٷلگٸلٸ-تاۋباي اتا» اۆتوموبيل جولدارى ورتاشا جٶندەۋدەن ٶتۋدە.
ودان بٶلەك, كەلەسٸ ايدان باستاپ وبلىستىق ماڭىزى بار كح-80 «ىنتالى-فيردوۋسي» اۆتوموبيل جولىنىڭ 4,7 شاقىرىمىنا ورتاشا جٶندەۋ جۇمىستارى باستالماق. جىل سوڭىنا دەيٸن تاعى «ٷلگٸلٸ-تاۋباي اتا» جەنە «ىنتالى-فيردوۋسي» اۆتوموبيل جولدارىندا جۇمىستار تولىق اياقتالىپ, پايدالانۋعا بەرٸلەتٸن بولادى.
