نۇرلىجول, ٶرگەباس, ىرىستى جەنە جانتاقساي اۋىلدارىنىڭ اۋماعىندا ۇزاقتىعى 22 شاقىرىم ۋاقىتشا بٶگەتتەر سالىندى, مىرزاكەنت اۋىلىنا قاراي ٷش كوللەكتور ورناتىلعان, قۇم سالىنعان 86 مىڭ قاپ قويىلدى. نۇرلىجول, جاڭاتۇرمىس, فيردوۋسي, ٶرگەباس, دوستىق جەنە جەڭٸس اۋىلدارىندا سۋ سورۋ جۇمىستارى جالعاسۋدا, سۋ باسقان اۋماقتاردان بارلىعى 6,1 تەكشە مەتر سۋ سورىلعان, دەپ حابارلايدى "ۇلت اقپارات" قر ٸٸم تجك باسپاسٶز قىزمەتٸنە سٸلتەمە جاساپ.
بۇدان باسقا, جەڭٸس جەنە فيردوۋسي اۋىلدارىندا تٷركٸستان وبلىسى تجد مەن اپاتتار مەديتسيناسى ورتالىعىنىڭ پسيحولوگتارى زارداپ شەككەن تۇرعىندارعا پسيحولوگييالىق كٶمەك كٶرسەتۋدە.
قوعامدىق تەرتٸپتٸ قامتاماسىز ەتۋ ٷشٸن جاڭاتۇرمىس, فيردوۋسي, ٶرگەباس جەنە جانتاقساي اۋىلدارىندا تٶرت بلوك بەكەت قويىلعان.
تٷركٸستان وبلىسىنىڭ اپات ورنىندا ٶزبەكستان رەسپۋبليكاسى ٸٸم, قم, جەرگٸلٸكتٸ اتقارۋشى ورگاندار, تجم-نەن جالپى 1626 ادام, 324 تەحنيكا بٸرلٸگٸ, 17 جٷزۋ قۇرالى, 216 سۋ سورعىزۋ تەحنيكاسى جۇمىلدىرىلعان.
كٶمەككە كەلگەن قاراعاندىلىق قۇتقارۋشىلار ماقتاارال اۋدانىنىڭ فيردوۋسي اۋىلىندا اپاتتىق-قۇتقارۋ جۇمىستارىن جٷرگٸزٸپ, موتوسورعىلاردىڭ كٶمەگٸمەن سۋدى تارتىپ الۋدا. قاراعاندىلىق قۇتقارۋشىلار اپات ورنىنا كەلگەلٸ 70 مىڭ تەكشە مەتر سۋ سورعىلانعان.
ەسكە سالا كەتسەك, ماقتاارال اۋدانىنداعى بەس ەلدٸ مەكەنٸندە (جاڭاتۇرمىس, جەڭٸس, فيردوۋسي, ٶرگەباس, دوستىق اۋىلدارى) 1030 تۇرعىن ٷيدٸ سۋ باسىپ وتىر. ولاردىڭ تۇرعىندارى تۋىستارىنىڭ ٷيٸن جەنە ماقتاارال اۋدانىندا قۇرىلعان 10 ەۆاكۋاتسييالىق پۋنكتە (اتاكەنت-3 كەنتٸ, ٶركەنيەت-1 اۋىلى, ەسەنتاي-1 اۋىلى, يگٸلٸك-1 اۋىلى, قىرىقجىلدىق-2 اۋىلى, كٶكارال-1 اۋىلى, جەتٸساي-1 اۋىلى) پانالاۋدا, ولاردا 3252 ادام ورنالاستىرىلعان.
