ماقتاارال اۋدانىندا ەندٸ ٶرگەباس ەلدٸمەكەنٸن سۋ باستى. بۇل تۋرالى وبلىس ەكٸمدٸگٸ شۇعىل مەلٸمەت تاراتتى, دەپ حابارلايدى "ۇلت اقپارات".
«بٷگٸن تاڭعى 05.00-تەن باستاپ 250 ٷيٸ سۋعا باتقان فەردوۋسي اۋىلى باعىتىنان جاڭاجول اۋىلدىق وكرۋگٸنٸڭ ٶرگەباس ەلدٸمەكەنٸنە قاراي سۋ كەلە باستادى. ەكٸ اۋىلدىڭ ارا قاشىقتىعى - 3 شاقىرىم. تاڭعى 8.00-دە سۋ ٶرگەباس ەلدٸ مەكەنٸنٸڭ 194 ٷيٸن باسىپ قالدى. اۋىلدىڭ 1451 تۇرعىنى ەۆاكۋاتسييالاندى. كٶشٸرۋ بارىسىندا زارداپ شەككەندەر جوق» دەلٸنگەن حابارلامادا.
ايتا كەتەيٸك, تٶتەنشە جاعداي قالىپتاسقان ماقتاارال اۋدانىندا سۋ دەڭگەيٸ تٶمەندەيتٸن تٷرٸ جوق. قايتا سۋ باسقان اۋىلدار سانى كٶبەيٸپ بارادى. باستاپقىدا تٶرت ەلدٸمەكەننٸڭ حالقى قاۋٸپسٸز جەرگە كٶشٸرٸلسە, تٷندە اۋدان ورتالىعىنان 12 مىڭداي ادام ەۆاكۋاتسييالانعان.
ەستەرٸڭٸزگە سالا كەتەيٸك, 1 مامىردا ساردوبا سۋ قويماسى بٶگەتٸن سۋ شايىپ كەتۋٸنە بايلانىستى ٶزبەكستاننىڭ سىردارييا وبلىسىنداعى ەلدٸمەكەندٸ سۋ باستى.
سونىڭ سالدارىنان ماقتاارال اۋدانىندا شەكارا ماڭىنداعى بٸرنەشە كوللەكتور سۋعا تولىپ قالعان. ماقتاارالداعى ورتالىق كوللەكتوردان سۋ سىرتقا جايىلىپ, جەڭٸس, جاڭا تۇرمىس اۋىلدارىن سۋ الىپ كەتتٸ. وبلىستىق ماڭىزى بار «مىرزاكەنت - جەڭٸس - جاڭا تۇرمىس» اۆتوموبيل جولىن سۋ باسىپ, كٶلٸك جٷرە الماي وتىر. تٶرت اۋىلدان 5400 ادام قاۋٸپسٸز جەرگە كٶشٸرٸلگەن.
سونداي-اق تٷركٸستان وبلىسىندا سۋ تاسقىنى قاۋپٸ تٶنگەن 3 اۋىلدىڭ حالقى ەۆاكۋاتسييالانىپ جاتىر. وبلىس ەكٸمٸ ٶمٸرزاق شٶكەەۆ حالىقتى سابىرعا شاقىرىپ, تٶتەنشە جاعدايدى رەتتەۋگە ايماقتىڭ تولىق مٷمكٸندٸگٸ بار ەكەنٸن ايتتى.
