حالىق ەرتٸسٸ ماقپال جٷنٸسوۆا قازاقستاندا بۇرىن-سوڭدى ديماشتاي ەنشٸنٸڭ بولماعانىن ايتادى. وسى ۋاقىتقا دەيٸن قازاقستاندىقتار شەتەل ساحناسىندا ەن شىرقاعانىمەن, جەكە ەن كەشٸن بەرگەندەر سيرەك.
"ديماشتاي ازامات مىڭ جىلدا بٸر رەت تۋاتىن شىعار. ول, شىنىمەن دە, قازاق حالقىنىڭ ماڭدايىنا بٸتكەن جارىق جۇلدىز دەسەم, ارتىق ايتقانىم ەمەس. ديماشتى قايتالاۋدىڭ قاجەتٸ جوق, ول — ۋنيكۋم, دارا تۇلعا", — دەدٸ ەنشٸ استانا ارناسىنىڭ "سىرلاسۋ" باعدارلاماسىندا.
سونداي-اق, ماقپال جٷنٸسوۆا ديماشتىڭ قازاقستاندا جٷرٸپ بٸردەن باعىن اشا الماعانىنا توقتالدى. مۇنى بٸر كەزدەرٸ ٶزٸ دە اتا-اناسىنا ەسكەرتكەن ەكەن. ايتۋىنشا, قازاقستاندا ديماشتاي ەنشٸنٸ قابىلدامايدى. مۇنىمەن قاتار, ول كەزٸندە بٸراز وتاندىق ەنشٸ شەتەلدە تانىلعانىمەن, ينتەرنەت دامىماعاندىقتان, ولار تۋرالى ۆيدەولار از ەكەنٸن ايتتى.
"ديماش قازٸر مايكل دجەكسون سيياقتى حالىقارالىق دەڭگەيدە كونتسەرتتەر بەرٸپ جٷر. بۇل قازاقتاردا بولماعان نەرسە. بٸزدە "حالىقارالىق ەنشٸمٸن" دەپ بٷكٸل ەلەمدٸ جاۋلاپ العانداي سٶيلەيتٸندەر بار. بٸراق ەشكٸم بۇلاي شەتەلدە جەكە كونتسەرت بەرٸپ كٶرمەگەن", — دەدٸ ماقپال جٷنٸسوۆا.
ەرٸ قاراي حالىق ەرتٸسٸ ٶزٸ مەن ەرٸپتەستەرٸنٸڭ شەتەلگە تەك 300-500 ادامعا كونتسەرت قويۋ ٷشٸن بارعانىن ايتىپ بەردٸ. ونىڭ ٶزٸندە ەرقايسىسى 4-5 ٶلەڭمەن شەكتەلەتٸن بولعان.
"ديماشپەن قاتتى ماقتانىپ جاتىرمىز. رەسەيدٸڭ ٶزٸ بٸرتٷرلٸ بولىپ, نە ٸستەرٸن بٸلمەي جٷر. قۇداي تٸل-كٶزدەن ساقتاسىن. شىنىمەن دە, ديماشتىڭ داۋىسى 6 وكتاۆاعا جەتٸپ قالدى. كٷندەلٸكتٸ ٶزٸن باپتاپ, اللا بەرگەن داۋىسىن دۇرىس پايدالانىپ جٷر", — دەدٸ ول.
مۇنىمەن قاتار, ماقپال جٷنٸسوۆا ەلٸبەك دٸنٸشەۆ, ەرمەك سەركەباەۆ سىندى ەنشٸلەردٸڭ دە ٶزٸندٸك ورنى بار ەكەنٸن ايتىپ ٶتتٸ. الايدا مەملەكەت تاراپىنان ولارعا دۇرىس قولداۋ كٶرسەتٸلمەگەن.
