سۋرەت اشىق دەرەككٶزدەن الىندى
قازاقستاندىق بوكسشى ماحمۇد سابىرحان تاشكەنتتە ٶتٸپ جاتقان بوكستان ەلەم چەمپيوناتىندا التىن مەدال يەلەندٸ.
54 كەلٸگە دەيٸنگٸ سالماق دەرەجەسٸندە باق سىناعان ماحمۇد سابىرحان ٶزبەكستاندىق ويبەك دجۋراەۆپەن شارشى الاڭعا شىعىپ, ايقىن باسىمدىقپەن جەڭٸسكە جەتتٸ. "قازاقتىڭ لوماچەنكوسى" دەگەن لاقاپاتقا يە دارىندى بوكسشى قارسىلاسىن ەكٸ رەت نوكداۋنعا دا جٸبەردٸ.
ايتا كەتەيٸك, بٷگٸن قازاقستاندىق اسلانبەك شىمبەرگەنوۆ (71 كگ) پەن نۇربەك ورالباي (80 كگ) دا التىن مەدالعا تالاسادى.
ەسكە سالايىق, بۇعان دەيٸن فينالدا گرۋزييالىق بوكسشىمەن قولعاپ تٷيٸستٸرگەن سانجار تەشكەنباي ەل قورجىنىنا العاشقى "التىندى" سالعان ەدٸ. ال 67 كەلٸگە دەيٸنگٸ سالماقتا سىنعا تٷسكەن وتانداسىمىز دۋلات بەكباۋوۆ ٶزبەك بوكسشىسى اسادحۋدج مۋيدينحۋدجاەۆتەن جەڭٸلٸپ, كٷمٸس جٷلدەنٸ مٸسە تۇتتى.
ۆيدەو: Qazaqstan ۇلتتىق ارناسى
