ٸرٸ كٶلەمدە اقشا بوپسالاۋ كٷدٸگٸنە ٸلٸنگەن جۋرناليست ماحامبەت ەبجان 2 ايعا قاماۋعا الىندى, دەپ حابارلايدى "ۇلت اقپارات" نۇر-سۇلتان قالالىق سوتىنىڭ باسپاسٶز قىزمەتٸنە سٸلتەمە جاساپ.
«5 شٸلدەدە نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كٷدٸكتٸ م. ابجاندى 2 اي مەرزٸمگە كٷزەتپەن ۇستاۋ تٷرٸندەگٸ بۇلتارتپاۋ شاراسىن سانكتسييالادى», - دەپ جازدى قالالىق سوتتىڭ باسپاسٶز حاتشىسى بوتاگٶز بايانوۆا Facebook پاراقشاسىندا.
ايتا كەتەيٸك, 3 شٸلدە سىبايلاس جەمقورلىققا قارسى ٸس-قيمىل اگەنتتٸگٸ 39 جاستاعى جۋرناليست ەرٸ بلوگەر ماحامبەت ەبجان "كەسٸپكەردەن 50 ميلليون تەڭگە بوپسالادى" دەگەن كٷدٸكپەن قاماۋعا الىنعانىن حابارلاعان ەدٸ.
