Iri kólemde aqsha bopsalaý kúdigine ilingen jýrnalist Mahambet Ábjan 2 aiǵa qamaýǵa alyndy, dep habarlaidy "Ult aqparat" Nur-Sultan qalalyq sotynyń baspasóz qyzmetine silteme jasap.
«5 shildede Nur-Sultan qalasynyń mamandandyrylǵan aýdanaralyq tergeý soty kúdikti M. Abjandy 2 ai merzimge kúzetpen ustaý túrindegi bultartpaý sharasyn sanktsiialady», - dep jazdy qalalyq sottyń baspasóz hatshysy Botagóz Baianova Facebook paraqshasynda.
Aita keteiik, 3 shilde Sybailas jemqorlyqqa qarsy is-qimyl agenttigi 39 jastaǵy jýrnalist ári bloger Mahambet Ábjan "kásipkerden 50 million teńge bopsalady" degen kúdikpen qamaýǵa alynǵanyn habarlaǵan edi.
