تالدىقورعان قالاسىنداعى تٸل سارايىندا «مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى ماقالاسى» - ازاماتتاردى بٸرٸكتٸرۋدٸڭ ماڭىزدى فاكتورى» اتتى «دٶڭگەلەك ٷستەل» وتىرىسى ٶتتٸ. وعان وبلىس ەكٸمٸ ا. باتالوۆ, قر پارلامەنتٸ مەجٸلٸسٸنٸڭ ۆيتسە-سپيكەرٸ, قازاقستاننىڭ ورىس, سلاۆيان جەنە كازاك ۇيىمدارى بٸرلەستٸگٸنٸڭ تٶراعاسى ۆلاديمير بوجكو قاتىستى, دەپ حابارلايدى "ۇلت اقپارات" الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
ۇلت كٶشباسشىسىنىڭ باعدارلامالىق ماقالاسىنىڭ نەگٸزگٸ اسپەكتٸلەرٸن جەرگٸلٸكتٸ دەڭگەيدە ۇلتارالىق قاتىناستار ساياساتىن جٷزەگە اسىرۋ ارقىلى ورىنداۋ شارانىڭ باستى تاقىرىبى بولدى. سونىمەن قاتار بيىلعى جىلى قۇرىلعانىنا 25 جىل تولىپ وتىرعان وبلىستىق ورىس ورتالىعىنىڭ ٸشكٸ ساياسي تۇراقتىلىقتى نىعايتۋعا قوسىپ وتىرعان ٷلەسٸ دە اتاپ ٶتٸلدٸ.
- باعدارلامالىق ماقالاداعى مٸندەتتەردٸ جٷزەگە اسىرۋ ماقساتىندا وبلىستا ارنايى كوميسسييا قۇرىلعان. ونىڭ قۇرامىنا 60 ادام كٸرەدٸ. ولاردىڭ قاتارىندا قوعام جەنە مەدەنيەت قايراتكەرلەرٸ, مەملەكەتتٸك ورگانداردىڭ, ساياسي پارتييالاردىڭ, ٷكٸمەتتٸك ەمەس ۇيىمداردىڭ, بۇقارالىق اقپارات قۇرالدارىنىڭ ٶكٸلدەرٸ بار. كوميسسييا جۇمىسى التى باعىت بويىنشا جۇمىس ٸستەۋدە. بۇل جۇمىس بٸزدٸڭ رۋحاني قۇندىلىقتارىمىزدى, باي تاريحىمىزدى تانىتىپ, ناسيحاتتاۋى تيٸس. ەربٸر باعىت بويىنشا تيٸستٸ جاۋاپتى تۇلعالار بەكٸتٸلگەن. بٸر عانا اسسامبلەيانىڭ ٶزٸ 200-دەن استام شارا ٶتكٸزدٸ, - دەدٸ اماندىق باتالوۆ. سونداي-اق ٶڭٸر باسشىسى وبلىستاعى ەتنومەدەني ورتالىقتاردىڭ جۇمىسىنا ەرەكشە توقتالدى.
ٶز كەزەگٸندە پارلامەنت مەجٸلٸسٸنٸڭ ۆيتسە-سپيكەرٸ ۆلاديمير بوجكو:
- تەۋەلسٸزدٸك العان جىلداردان بەرٸ ەتنومەدەني بٸرلەستٸكتەردٸڭ بارشاسى بٸرٸگٸپ پرەزيدەنتٸمٸز ٷنەمٸ ايتاتىن بەيبٸتشٸلٸك, كەلٸسٸم, دوستىق دەگەن ەڭ باستى بايلىعىمىزدى ەسەلەۋگە ٶز ٷلەستەرٸن قوسىپ كەلەدٸ. تاتۋلىقسىز بٷگٸنگٸدەي بيٸكتەردٸ باعىندىرا الماس ەدٸك. بارلىق جەتٸستٸكتەرٸمٸزدٸڭ باستاۋىندا بەيبٸتشٸلٸك پەن كەلٸسٸم تۇرعانىن بٸلەمٸز. قازٸر ەلٸمٸزدٸڭ بارلىق ايماقتارىندا كٶپتەگەن ەتنومەدەني ورتالىقتار ٶز مەرەيتويلارىن اتاپ ٶتۋدە. بۇل بٸزدە ەتنوستار مەدەنيەتٸنٸڭ دامىپ جاتقانىن كٶرسەتەدٸ, - دەدٸ ٶز سٶزٸندە.
رۋحاني جاڭعىرۋ مەسەلەسٸنە قاتىستى ٶزگە دە قاتىسۋشىلار پٸكٸر قوسىپ, وي ٶربٸتتٸ. ولاردىڭ قاتارىندا «ورىس, سلاۆيان جەنە كازاك ۇيىمدارىنىڭ بٸرلەستٸگٸ» تٶراعاسىنىڭ ورىنباسارى, ەسكەري-پاتريوتتىق «جاس جاۋىنگەر» كلۋبىنىڭ جەتەكشٸسٸ, ۆلاديمير شاتسكوۆ, قازاقستان رەسپۋبليكاسىنداعى رەسىنتىماقتاستىق ٶكٸلٸ, الماتى قالاسىنان يرينا پەرەۆەرزەۆا جەنە باسقالارى بار. جيىندى قورىتىندىلاعان وبلىس ەكٸمٸ كٶپشٸلٸكتٸ وسى شارادان كەيٸن ٶتەتٸن سلاۆيان مەدەنيەتٸ مەن جازۋىنىڭ فەستيۆالٸنە شاقىردى.
تالدىقورعان قالاسىنداعى ٸليياس جانسٷگٸروۆ اتىنداعى مەدەنيەت سارايىندا ٶتكەن سلاۆيان مەدەنيەتٸ مەن جازۋى فەستيۆالٸنە ارنالعان «جەتٸسۋ شۇعىلاسى» اتتى مەرەكەلٸك گالا-كونتسەرتتٸڭ اشىلۋىندا سٶز العان وبلىس ەكٸمٸ اماندىق عابباسۇلى مەرەكەلٸك شاراعا جينالعان كٶپشٸلٸكتٸ قۇتتىقتاپ, ەلٸمٸزدەگٸ تاتۋلىق پەن تىنىشتىقتىڭ, تۇراقتىلىق پەن بەيبٸتشٸلٸكتٸڭ ۇيىتقىسىنا اينالىپ وتىرعان ۇجىمداردىڭ باسشىلارىنا قۇرمەت گراموتاسى مەن العىس حاتىن تابىستادى. سونداي-اق, ورىس تٸلٸنٸڭ ٶركەندەۋٸنە ٷلەس قوسىپ, ورىس مەدەنيەتٸنٸڭ كەڭٸنەن تانىلۋىنا ىقپال ەتٸپ جٷرگەن جاندارعا «ورىس, سلاۆيان جەنە كازاك ۇيىمدارىنىڭ قاۋىمداستىعى» قوعامدىق ۇيىمىنىڭ قۇرمەت گراموتاسى مەن العىس حاتىن ۇيىم تٶراعاسى ۆلاديمير بوجكو ٶز قولىمەن بەردٸ.
سالتاناتتى جيىن سوڭى مەرەكەلٸك كونتسەرتكە ۇلاستى.
