استاناداعى كٸتاپ كٶرمەسٸ ٶتٸپ جاتقان «كٶرمە» ورتالىعىندا اقىن ماعجان جۇماباەۆتىڭ 9 تٸلگە اۋدارىلعان 3 كٸتابىنىڭ تۇساۋكەسەرٸ بولىپ ٶتتٸ. كٸتاپتاردىڭ اۋدارىلۋىنا حالىقارالىق تٷركٸ اكادەميياسى (TWESCO) مۇرىندىق بولىپ وتىر, دەپ حابارلايدى قازاقپارات تٸلشٸسٸ.
تۇساۋكەسەردە سٶز سٶيلەگەن تٷركٸ اكادەميياسىنىڭ پرەزيدەنتٸ دارحان قىدىرەلٸ اقىننىڭ ٶلەڭدەرٸن اۋدارۋعا بٸلٸكتٸ ماماندار تارتىلعانىن اتاپ ٶتتٸ.
«ماعجان اقىن ٶمٸرٸن تٷركٸستانعا ارناعان ورتالىق ازييانىڭ ورتاق اقىنى. تەۋەلسٸزدٸك پەن تۇتاستىقتى, ەسەمدٸك پەن باتىرلىقتى, ەلدٸكتٸ جىرلاعان تۇلعا. بٸز تٷركٸ اكادەميياسى بيىلعى جىلدى ايتماتوۆتىڭ 90 جىلدىعى جەنە ماعجان جۇماباەۆتىڭ 125 جىلدىعى دەپ جارييالادىق. وسى جىل اياسىندا ماعجاننىڭ جىرلارى 9 تٸلگە اۋدارىلدى. اتاپ ايتقاندا, اعىلشىن, تٷرٸك, ەزەربايجان, موڭعول, ٶزبەك, قىرعىز, التاي, باشقۇرت تٸلدەرٸنە اۋدارىلىپ وتىر. قازٸرگٸ ۋاقىتتا اقىننىڭ ٶلەڭدەرٸ باسقا تٸلدەرگە دە تەرجٸمالانىپ جاتىر. سوندىقتان, وسى اپتانىڭ سوڭىندا يۋنەسكو-دا ٶتەتٸن م.جۇماباەۆ پەن ش.ايتماتوۆقا بايلانىستى ٷلكەن جيىننىڭ الدىندا كٸتاپ كٶرمەسٸندە جازۋشىلار وداعىمەن اقىلداسىپ, بٷگٸنگٸ تۇساۋكەسەردٸ ٶتكٸزۋدٸ جٶن دەپ تاپقان ەدٸك», - دەدٸ ول.
كٸتاپتىڭ بٸرٸ تازا ٶزبەك تٸلٸندە جارىق كٶرگەن. ٷش كٸتاپتىڭ بٸرٸنٸڭ تۇساۋىن كەسكەن قازاقستان جازۋشىلار وداعىنىڭ تٶراعاسى, اقىن ۇلىقبەك ەسدەۋلەت شارا بارىسىندا ماعجان جۇماباەۆتىڭ «مەن جاستارعا سەنەمٸن» اتتى ٶلەڭٸن وقىپ بەردٸ.
اقىننىڭ ايتۋىنشا, تٷركٸ اكادەميياسىنىڭ بەلسەنە كٸرٸسٸپ, ماعجاننىڭ 125 جىلدىعىنا شىعارىپ وتىرعان 9 تٸلدەگٸ جيناعى بۇرىن سوڭدى بولماعان باسىلىم.
«اقىن الپىسىنشى جىلدارى اقتالعانىمەن, شىعارمالارىنا تىيىم سالىنىپ, ٶلەڭدەرٸ جارىق كٶرمەي كەلگەن. سەكسەنٸنشٸ جىلداردىڭ اياعىندا ارىستارمەن بٸرگە اقتالعاننان كەيٸن اقىننىڭ شىعارمالارى ارحيۆتەردەن جارىق كٶرە باستادى. بۇرىن ماعجاننىڭ تٷرٸك تٸلٸندە شىققان ٶلەڭدەرٸ بٸزدٸڭ عابيت مٷسٸرەپوۆتە عانا بولعان ەدٸ. ول كٸسٸ بٸزگە بەرە قويا ما? ونى بٸزدٸڭ رىمعالي نۇرعاليەۆ سەكٸلدٸ عۇلاما عالىمدارىمىز اقىرىنداپ سۇراپ الىپ وقىپ, كٶشٸرٸپ الىپ, جاراسقان ەبدٸرەشەۆ, نەسٸپبەك ايتۇلىلارىنا بەرٸپ, ولاردان بٸز كٶشٸرٸپ, ماعجاندى ەسٸكتٸ بەكٸتٸپ الىپ وقيتىن ەدٸك. مٸنە, قازٸر ماعجاننىڭ ٶلەڭدەرٸ بٷكٸل ەلەمنٸڭ يگٸلٸگٸنە اينالىپ وتىر. كٸتاپتاردىڭ عۇمىرى ۇزاق, تارالىمى كٶپ بولسىن», - دەدٸ ۇلىقبەك ەسدەۋلەت.
جيىن سوڭىنا قاراي دارحان قىدىرەلٸ ماعجاننىڭ ٶلەڭٸن ەر تٸلدەردە سٶيلەتكەن, اتاپ ايتقاندا التاي تٸلٸنە اۋدارعان بۇرىنتاي بەديۋروۆكە, ەزەربايجان تٸلٸنە اۋدارعان فيزۋلي ماجيديگە, باشقۇرت تٸلٸندە سٶيلەتكەن احات ساليحوۆقا, تٷرٸك تٸلٸنە اۋدارعان الي اكپاشقا, ٶزبەك تٸلٸندە جەكە جيناق رەتٸندە شىعارعان مۇزافار احماتقا, قىرعىز تٸلٸنە اۋدارعان اكبار رىسقۇلعا, موڭعول تٸلٸنە اۋدارعان جٷكەل حاماي مەن اقەدٸل تويشانۇلىنا جەنە باسقا دا اۋدارماشىلارعا العىسىن بٸلدٸردٸ.
