ماگيستراتۋراعا كەشەندٸ تەستٸلەۋگە (كت) قاتىسۋ ٷشٸن ٶتٸنٸشتەردٸ قابىلداۋ 19 شٸلدەگە دەيٸن ۇزارتىلدى. بۇل شەشٸم كارانتيندٸك شارالاردىڭ كٷشەيۋٸنە بايلانىستى قابىلداندى, دەپ حابارلايدى "ۇلت اقپارات" قر بعم باسپاسٶز قىزمەتٸنە سٸلتەمە جاساپ.
ماگيستراتۋراعا كەشەندٸ تەستٸلەۋ 1 تامىزدا باستالىپ, 15 تامىزعا دەيٸن جالعاسادى. كت-عا قاتىسۋ ٷشٸن ٶتٸنٸش قابىلداۋدى قر بعم ۇلتتىق تەستٸلەۋ ورتالىعىنىڭ سايتى ارقىلى جوعارى وقۋ ورىندارىنىڭ قابىلداۋ كوميسسييالارى جٷرگٸزەدٸ. كەشەندٸ تەستٸلەۋدٸڭ قورىتىندىسى بويىنشا كۋەلٸك ەلەكتروندى تٷردە تەستٸلەنۋشٸنٸڭ جەكە كابينەتٸ ارقىلى بەرٸلەدٸ. ماگيستراتۋرادا وقۋعا بٸلٸم گرانتىن تاعايىنداۋ كونكۋرسىنا قاتىسۋ ٷشٸن ٶتٸنٸشتەردٸ قابىلداۋ 16 - 20 تامىز ارالىعىندا جٷزەگە اسىرىلادى.
بيىل ماگيستراتۋرا مەن دوكتورانتۋراعا تٷسۋ ٷشٸن بٸرقاتار جاڭاشىلدىقتار قاراستىرىلعان.
«2020 جىلى ماگيستراتۋرا مەن دوكتورانتۋراعا تٷسۋ جەنە قابىلداۋ رەسٸمٸنە بٸرقاتار ٶزگەرٸستەر ەنگٸزٸلدٸ. مىسالى, مەملەكەتتٸك نەمەسە رەسمي تٸلٸ اعىلشىن تٸلٸ بولىپ تابىلاتىن ەلدەردە شەتەلدٸك جوعارى جەنە جوعارى وقۋ ورنىنان كەيٸنگٸ بٸلٸم بەرۋ ۇيىمدارىندا وقۋدى اياقتاعان جەنە شەتەلدٸك اككرەديتتەۋ ورگاندارىنىڭ مامانداندىرىلعان اككرەديتتەۋٸ بار تۇلعالار كەشەندٸ تەستٸلەۋدٸڭ «شەت تٸلٸ» بلوگىنان بوساتىلدى», – دەپ مەلٸمدەدٸ قر بعم جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ.
دوكتورانتۋراعا تٷسۋ ٷشٸن مەملەكەتتٸك نەمەسە رەسمي تٸلٸ اعىلشىن تٸلٸ بولىپ تابىلاتىن شەتەلدٸك جوعارى جەنە جوعارى وقۋ ورنىنان كەيٸنگٸ بٸلٸم بەرۋ ۇيىمدارىن اياقتاعان ٷمٸتكەرلەر شەتەل تٸلٸن مەڭگەرۋدٸڭ جالپىەۋروپالىق ستاندارتتارىنا سەيكەس شەت تٸلٸن مەڭگەرگەندٸگٸن راستايتىن حالىقارالىق سەرتيفيكاتتاردى ۇسىنبايدى. ماگيستراتۋراعا تٷسۋ ٷشٸن ٶتٸنٸشتەردٸ قابىلداۋدى قر بعم ۇلتتىق تەستٸلەۋ ورتالىعىنىڭ https://pvo-zayav.testcenter.kz سايتى ارقىلى 3 شٸلدەدەن 3 تامىزعا دەيٸن جوو قابىلداۋ كوميسسيياسى جٷرگٸزەدٸ. دوكتورانتۋراعا تٷسۋ ەمتيحاندارى 4 - 20 تامىز ارالىعىندا ٶتكٸزٸلەدٸ.
COVID-19 پاندەميياسى جاعدايىندا اعىلشىن تٸلٸن بٸلۋ IELTS حالىقارالىق تەستٸن دەستٷرلٸ فورماتتا تاپسىرۋ مٷمكٸن بولماۋىنا بايلانىستى قر بٸلٸم جەنە عىلىم مينيسترٸ جوعارى وقۋ ورنى تٷلەكتەرٸنە ماگيستراتۋرا مەن دوكتورانتۋراعا تٷسۋ ٷشٸن Duolingo English test جەنە IELTS INDICATOR تاپسىرۋعا رۇقسات بەرەتٸن بۇيرىققا قول قويعانىن ەستەرٸڭٸزگە سالامىز. ماگيستراتۋراعا تٷسۋ ٷشٸن Duolingo English test بويىنشا شەكتٸ بالل كەمٸندە 95, IELTS INDICATOR بويىنشا كەمٸندە 6,0 بولۋى تيٸس. دوكتورانتۋراعا تٷسۋ ٷشٸن Duolingo English test بويىنشا شەكتٸ بالل كەمٸندە 85, IELTS INDICATOR بويىنشا كەمٸندە 5,5 بولۋى كەرەك.
شەت تٸلٸن مەڭگەرگەندٸگٸن راستايتىن سەرتيفيكات دوكتورانتۋراعا تٷسۋ ٷشٸن عانا مٸندەتتٸ بولىپ تابىلاتىنىن اتاپ كەتكەن جٶن. ماگيستراتۋرانىڭ بٸلٸم بەرۋ باعدارلامالارىنا تٷسۋ ٷشٸن حالىقارالىق سەرتيفيكاتتى, سونىڭ ٸشٸندە Duolingo English Test, IELTS INDICATOR نەمەسە كەشەندٸ تەستٸلەۋ بارىسىندا شەت تٸلٸنەن ەمتيحان تاپسىرۋعا بولادى.
