مەملەكەت باسشىسى نۇرسۇلتان نازارباەۆ اقتٶبەدە لاڭكەستەردٸڭ كٶزٸن جويعان وفيتسەرگە "ايبىن" وردەنٸن تابىس ەتتٸ, - دەپ حابارلايدى ۇلت.كز تٸلشٸسٸ kaz.tengrinews.kz پورتالىنا سٸلتەمە جاساپ.
"ەلٸمٸز ٷشٸن ەسكەري ەڭبەك ماڭىزدى, قازٸرگٸ بەيبٸت زاماننىڭ ٶزٸندە ەرلٸكپەن پارا-پار. ٷشٸنشٸ دەرەجەلٸ "ايبىن" وردەنٸمەن باحتييار قايراتۇلى قايىربەكوۆ ماراپاتتالادى. ول ٶز ٶمٸرٸن قاتەرگە تٸگە وتىرىپ, لاڭكەستەردٸڭ ەسكەري قويماعا جاساعان شابۋىلىنا تويتارىس بەرٸپ, شابۋىلداعانداردىڭ كٶزٸن جويدى", - قازاقستان پرەزيدەنتٸ اقوردادا ناگرادالاردى تابىس ەتۋ كەزٸندە.
ەسكەري قىزمەتكەر باحتييار قايىربەكوۆ مەملەكەت باسشىسىنا العىس ايتىپ, ٶزٸن قاھارمان سانامايتىنىن ايتتى.
"ٶزٸمدٸ قاھارمان سانامايمىن, مەن تەك مٸندەتٸمدٸ اتقاردىم. (...) جوعارى قولباسشىنىڭ قولىنان ناگرادا الۋ, ەرينە, قوبالجۋ سەزٸمٸن وياتادى. ۋايىم بولدى, بٸراق مۇنى جاسىرۋعا تىرىستىم. بۇل مەن ٷشٸن ەرەكشە ناگرادا. ەندٸگٸدە وفيتسەرلٸك ەسكەري ٸستٸ جالعاستىرعىم كەلەدٸ", - دەدٸ ماراپاتتالعان سارباز.
"بۇل وقيعا 5 ماۋسىمدا بولدى, سول كەزدە مەن اقتٶبەدەگٸ ەسكەري قالاشىقتىڭ كٷزەتٸ بويىنشا ٸشكٸ قاراۋىلدىققا شىقتىم, اۆتوپاركتەگٸ ٷشٸنشٸ بەكەتتە تۇردىم. اۋىسىم 20 مينۋتتان كەيٸن ەدٸ, كەلەسٸ اۋىسىم جايلى ويلاي باستادىم, سول مەزەتتە اتىستى ەستٸدٸم. باستاپقىدا وقۋ-جاتتىعۋلار شىعار دەپ, نازار اۋدارمادىم. ەكٸ مينۋتتان كەيٸن اۆتوماتتان وق اتىلعانىن ۇقتىم, سٶيتٸپ, ەكٸنشٸ بٶلٸمگە حابارلاسىپ, شابۋىل جايدى بٸلدٸم. سوڭىنا دەيٸن وقۋ-جاتتىعۋ دابىلى شىعار دەپ ويلادىم, - دەپ ەسكە الادى قايىربەكوۆ, - جالپى 16 لاڭكەس باسا-كٶكتەپ كٸردٸ. مەن وتىرعان اۆتوپارككە التى ادام كٸرٸپ كەلدٸ. ماعان وق اتىلدى, جارعى بويىنشا ەرەكەت ەتتٸم, ادامدارعا وق اتتىم. بٸر لاڭكەستٸڭ كٶزٸن جويدىم. ەرينە, قورقىنىش بولدى, ٶمٸردەن ەستەلٸكتەر كٶز الدىما كەلە باستادى, اتا-انام ەسٸمە تٷسٸپ, "نە مەن تٸرٸ قالامىن, نە ول تٸرٸ قالادى" دەپ ويلادىم".
باحتييار قايىربەكوۆ وتان ٷشٸن ەڭبەك ەتۋگە, جاقسى وفيتسەر بولىپ, جاس ساربازدارعا ٷلگٸ بولۋعا ۋەدە بەردٸ.
.jpeg)