قر جازۋشىلار وداعى تٶراعاسىنىڭ ورىنباسارى, اقىن اقبەرەن ەلگەزەك ەلٸمٸزدەگٸ ەدەبيەتتٸڭ دامۋىنداعى ٶزەكتٸ مەسەلەلەر مەن بٸرقاتار ۇسىنىستارىن ايتتى, دەپ حابارلايدى قازاقپارات.
«بٸرٸنشٸدەن, قولدانىستاعى «مەدەنيەت تۋرالى» زاڭدا تەاترلار مەن كٸتاپحانا تۋرالى تاراۋلار بار, تٸپتٸ كينو سالاسىندا ارنايى زاڭ قابىلدادىق. ونىڭ بەرٸ كەرەك, بەرٸ دۇرىس. بٸراق وسى تەاتر مەن كينونىڭ نەگٸزٸندە قانداي دٷنيە جاتىر? ول ەرينە ەدەبيەت. ەدەبيەت بولماسا, كينو مەن تەاتر قويىلىمى قايدان شىقسىن? كٸتاپحانا تۋرالى تاراۋ بار, بٸراق سول كٸتاپحانا سٶرەلەرٸندە ەدەبي كٸتاپتار تۇرعان جوق پا?», - دەدٸ اقبەرەن ەلگەزەك مەدەنيەت جەنە سپورت مينيسترلٸگٸنٸڭ القا وتىرىسىندا.
ونىڭ ايتۋىنشا, زاڭدا كٶركەم ەدەبيەت تۋرالى ناقتى تاراۋ جوق. ەدەبيەت تۋرالى جاناما قارالاتىن سٶزدەر بار, بٸراق ول قانداي ەدەبيەت دەگەن ناقتى ۇعىمدى انىقتامايدى.
«مىسالى قوعامدىق ماڭىزدى ەدەبيەت تۋرالى تاراۋ بار جەنە ول تاراۋدا ول ەدەبيەتتٸ شىعارىپ باسۋ مەن تاراتۋ تۋرالى بۇلىڭعىر ەرەجە بار. ال ناقتى كٶركەم ەدەبيەت تۋرالى تاراۋ جوق. نەگە بٸز قازاقتىڭ كٶركەم ەدەبيەت دەگەن سٶزٸنەن قاشامىز, سونى قالامگەرلەر قاۋىمى تٷسٸنبەيدٸ. اتالعان زاڭدا جازۋشىنىڭ مەرتەبەسٸ دە انىقتالماعان. شىعارماشىلىق قىزمەتكەر دەگەن سٶز بار, بٸراق ونىڭ قوعامدىق ورنى مەن رٶلٸ ناقتى ايتىلماعان. بٸزدٸڭ ويىمىزشا, الداعى ۋاقىتتا اتالعان زاڭدا كٶركەم ەدەبيەت تۋرالى, جازۋشىنىڭ مەرتەبەسٸ مەن ونىڭ گونورار جولدارىن انىقتايتىن ەرەجەلەرٸ بار بٶلەك تاراۋ ەنگٸزۋ قاجەت. وعان ساياسي ەرٸك-جٸگەر بار بولسا, وسى تاراۋدى جاساقتايتىن جۇمىس توبىنا قاتىسىپ, كٶمەكتەسۋگە دايارمىز», - دەدٸ قالامگەر.
