مەدەنيەت قىزمەتكەرلەرٸنٸڭ جالاقىسىن كٶتەرۋ ٷشٸن ٷكٸمەت قاۋلىسى ەزٸرلەندٸ - مينيستر

بٷگٸن قر مەدەنيەت جەنە سپورت مينيسترٸ اقتوتى رايىمقۇلوۆا الماتى وبلىسىنىڭ قاراساي اۋدانىنداعى «ٷشقوڭىر» سپورت مەكتەبٸنە باردى, دەپ حابارلايدى قازاقپارات.

اتالعان مينيسترلٸكتٸڭ مەلٸمەتٸنشە, وندا اقتوتى رايىمقۇلوۆا جەرگٸلٸكتٸ تۇرعىندارمەن كەزدەسٸپ, پرەزيدەنت قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن ٶركەندەۋٸنٸڭ نەگٸزٸ» جولداۋى, ماڭىزدى قۇجاتتا كٶرسەتٸلگەن مٸندەتتەردٸ جٷزەگە اسىرۋ جايىندا ايتىپ بەردٸ. مەملەكەت باسشىسىنىڭ جولداۋىندا بۇقارالىق سپورتتى دامىتۋدىڭ ماڭىزىنا ەرەكشە مەن بەرٸلگەنٸ بەلگٸلٸ. پرەزيدەنت ەسٸرەسە «سپورت ينفراقۇرىلىمىنىڭ بالالار ٷشٸن بارىنشا قولجەتٸمدٸ بولۋىن قامتاماسىز ەتۋ كەرەك» دەگەن ەدٸ. مەدەنيەت جەنە سپورت مينيسترٸ «ٷشقوڭىر» مەكتەبٸ وسى مٸندەتتٸ جٷزەگە اسىرۋعا ٷلەس قوسىپ جاتقانىن ايتا كەلە, سپورت سالاسىندا جٷرگٸزٸلٸپ جاتقان جەنە جوسپارلانىپ وتىرعان جۇمىستاردىڭ قورىتىندىسى بويىنشا 2025 جىلعا قاراي ەلٸمٸزدە دەنە شىنىقتىرۋ جەنە سپورتپەن شۇعىلدانۋشىلاردىڭ سانىن 35 پايىزاعا دەيٸن ارتتىرۋعا بولاتىنىن جەتكٸزدٸ. بىلتىرعى جىلدىڭ قورىتىندىسىنا سەيكەس, ەلدەگٸ سپورتپەن جٷيەلٸ تٷردە اينالىساتىندار سانى 5,4 ميلليون ادامنان اسقان.

مينيستر سونداي-اق جولداۋ سالا قىزمەتكەرلەرٸنٸڭ ەلەۋمەتتٸك جاعدايىن جاقسارتۋعا دا مٷمكٸندٸك بەرەتٸنٸن ايتتى.

«مەدەنيەت جەنە سپورت مينيسترلٸگٸ 2020 جىلدان باستاپ مەدەنيەت جەنە ٶنەر قىزمەتكەرلەرٸنٸڭ جالاقىسىن ارتتىرۋ ٷشٸن ٷكٸمەتتٸڭ تيٸستٸ قاۋلىسىن ەزٸرلەدٸ, ول جىل سوڭىنا دەيٸن قابىلدانادى. مەدەنيەت سالاسىنا تٸكەلەي قاتىسى بار ادام رەتٸندە وسى جالاقىنى ارتتىرۋ مەسەلەسٸنٸڭ شەشٸلۋٸن قانشالىقتى كٷتكەنٸمٸزدٸ تٷسٸنەمٸن», - دەدٸ ول.

ايتا كەتەيٸك, قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ قولداۋىمەن وسىدان 3 اي بۇرىن اشىلعان «ٷشقوڭىر» سپورت كەشەنٸندە سپورتتىڭ 16 تٷرٸ بويىنشا ٷيٸرمەلەر جۇمىس ٸستەيدٸ. 2 باسسەين بار. بالالار ەركٸن كٷرەس, دزيۋدو, بوكس, ۆولەيبول, جەڭٸل اتلەتيكا, تاەكۆاندو مەن ٷلكەن تەننيس سىندى وليمپيادالىق سپورت تٷرلەرٸنەن جاتتىعادى. 45 جاتتىقتىرۋشى قىزمەت ەتەتٸن مەكەمەدە 2 مىڭعا جۋىق سپورتشىنى دايىنداپ شىعارۋعا مٷمكٸندٸك بار. ەلباسى ن.نازارباەۆ بۇل كەشەننەن بولاشاق وليمپيادا جەڭٸمپازدارى تٷلەپ شىعاتىنىنا سەنٸم بٸلدٸرگەن ەدٸ.