بەلارۋس باسشىسى الەكساندر لۋكاشەنكو (سايلاۋ نەتيجەسٸن بۇرمالادى دەپ ايىپتاعان اقش پەن ەۋروپا وداعى ونى پرەزيدەنت قىزمەتٸندە زاڭسىز وتىر دەپ بٸلەدٸ), ەگەر ۋكراينا ەسكەرٸ دونباستاعى سەپاراتيستەرگە شابۋىل جاسايتىن بولسا, وندا بەلارۋس ەسكەرٸ "دەل رەسەي ەسكەرٸ سيياقتى ەرەكەت ەتەدٸ" دەپ مەلٸمدەدٸ.
رەسەيلٸك تەلەجٷرگٸزۋشٸ ۆلاديمير سولوۆيوۆتٸڭ "ياعني بۇل (ەرەكەت) بٸرلەسٸپ جاسالا ما?" دەگەن سۇراعىنا لۋكاشەنكو "ەرينە" دەپ جاۋاپ بەردٸ. ول بەلارۋس ۋكرايناعا قارسى رەسەيمەن بٸرگە سوعىسادى دەپ ناقتى ايتقان جوق, دەگەنمەن, سٶزٸنەن سونداي ەمەۋرٸن اڭعارۋعا بولادى.
رەسەي ەسكەرٸنٸڭ بەلارۋستە ۋكراينامەن شەكارا ماڭىنا ورنالاسۋى بەكەر ەمەسٸن مەڭزەگەن لۋكاشەنكو "بٸز نە, وڭتٷستٸك شەكارادا ەرٸككەننەن جٷر دەيسٸزدەر مە?"دەدٸ.
رەسمي مينسك پەن مەسكەۋ, ەسكەريلەر اقپاننىڭ ونى مەن جيىرماسى ارالىعىندا ٶتەتٸن بٸرلەسكەن ەسكەري جاتتىعۋعا قاتىسۋ ٷشٸن جينالىپ جاتقانىن حابارلاعان.
كيەۆ 2020 جىلى مينسكٸدەگٸ ازاماتتاردىڭ بەيبٸت نارازىلىق اكتسيياسىن كٷشپەن باسقان لۋكاشەنكو رەجيمٸن سىناعاننان كەيٸن بەلارۋس پەن ۋكراينا قارىم-قاتىناس ناشارلاعان.
اقش بىلتىر كٷزدەن بەرٸ ۋكراينامەن شەكارادا ەسكەرٸن كٶبەيتكەن رەسەي كٶرشٸ ەلگە باسىپ كٸرۋٸ مٷمكٸن دەپ قاۋٸپتەنەدٸ. مەسكەۋ بولسا شابۋىل جوسپارى جوعىن ايتادى. باتىس ەلدەرٸ رەسەي ۋكرايناعا باسىپ كٸرسە, سانكتسييا سالاتىنىن قاتاڭ ەسكەرتكەن.
ۆلاديمير سولوۆيوۆكە بەرگەن سۇحباتىندا لۋكاشەنكو, 15 جىلدان كەيٸن ۋكراينا دا, قازاقستان دا رەسەي مەن بەلارۋس سەكٸلدٸ بٸر وداقتىڭ قۇرامىنا كٸرە الاتىنى جايلى دا ايتقان.
