جەكسەنبٸ كٷنٸ Ryanair ۇشاعىنا بومبا قويىلعانى تۋرالى اقپارات شۆەيتسارييادان كەلٸپ تٷستٸ. 26 مامىردا بەلارۋس پارلامەنتٸندە سٶز سٶيلەگەن الەكساندر لۋكاشەنكو وسىلاي دەپ مەلٸمدەدٸ. افينىدان ۆيلنيۋسكە قاراي ۇشىپ بارا جاتقان ۇشاق وسىدان سوڭ مينسكٸگە قونۋعا مەجبٷر بولىپ, سالوندا وتىرعان وپپوزيتسييالىق جۋرناليست ۇستالعان ەدٸ. باتىس ەلدەرٸ بەلارۋس بيلٸگٸن ايىپتاپ, ەۋە قاۋٸپسٸزدٸگٸ مەسەلەسٸن كٶتەرگەن.
سەرسەنبٸ كٷنٸ وقيعاعا قاتىستى العاش رەت تٷسٸنٸكتەمە بەرگەن لۋكاشەنكو "ۇشاقتى بەلاەس ماڭىندا بۇردى. ال ەگەر كەنەت اەس-تٸڭ قاۋٸپسٸزدٸك جٷيەسٸ تولىق ەسكەري دايىندىققا كٶشكەن بولسا شە? مەن ادامداردى قورعاي وتىرىپ, حالىقارالىق ەرەجەگە سەيكەس زاڭدى ەرەكەت ەتتٸم" دەدٸ ول. ونىڭ سٶزٸنەن Tut.by سايتى ٷزٸندٸ كەلتٸردٸ, دەپ جازادى ازاتتىق.
ول ۇشاقتى ميگ-29 يسترەبيتەلٸنٸڭ كٶمەگٸمەن قونۋعا مەجبٷرلەمەگەنٸن, ەسكەري ۇشاقتىڭ مٸندەتٸ بايلانىستى قامتاماسىز ەتٸپ, تٶتەنشە جاعدايدا جولاۋشىلار ۇشاعىن قونۋىنا جاعداي جاساۋ ەدٸ دەدٸ.
لۋكاشەنكو بۇعان قوسا, "ەگەر ۇشاقتا تەرروريست بارىن بٸلگەنٸمدە ۇشاقتى دەرەۋ قوندىرۋ تۋرالى بۇيرىق بەرەتٸن ەدٸم" دەپ مەلٸمدەدٸ. ول Ryanair ۇشاعى دەرەۋ قوندىرىلعاننان كەيٸن مينسك ەۋەجايىندا ۇستالعان وپپوزيتسييالىق جۋرناليست رومان پروتاسەۆيچتٸ مەڭزەسا كەرەك.
قارۋلى توپتىڭ ەكيپاج بەن جولاۋشىلاردى ەۋەجايدا ۇستاپ تۇرعانى تۋرالى اقپاراتتى ول "كەزەكتٸ ساندىراق" دەپ اتاپ, ەكيپاج مٷشەلەرٸنٸڭ بٸرەۋلەرمەن بايلانىسىپ, ۇشقىسى كەلمەگەنٸن العا تارتتى.
پارلامەنت پەن كونستيتۋتسييالىق كوميسسييا مٷشەلەرٸ, مەملەكەتتٸك باسقارۋ ورگانى ٶكٸلدەرٸمەن كەزدەسۋ كەزٸندە لۋكاشەنكو باتىستىڭ وقيعانى "اۋىر قابىلداعانىنا" تاڭعالعانىن جەتكٸزدٸ.
"ۇشاق مينسكٸگە قونىپ تا ٷلگەرمەي, باتىس تارابىنان ايىپتاۋلار مەن ۇشۋعا تىيىمدار قارشا بورادى" دەدٸ ول.
- 23 مامىردا Ryanair ەۋە كومپانيياسىنىڭ گرەكييادان ليتۆاعا بارا جاتقان FR497 رەيسٸ كەنەتتەن باعىتىن ٶزگەرتٸپ, مينسكٸگە قونۋعا مەجبٷر بولعان. بەلارۋس بيلٸگٸ ارنايى ەسكەري ۇشاق جٸبەرٸپ, رەيستە بومبا بولۋى مٷمكٸن دەپ ۇشاقتى مينسكٸگە بۇرعان. بورتتان بومبا تابىلمادى, ەسەسٸنە بەلارۋس پوليتسيياسى ۇشاقتا بولعان وپپوزيتسييالىق جۋرناليست, NEXTA Live Telegram ارناسىنىڭ نەگٸزٸن قالاۋشىلاردىڭ بٸرٸ, جۋرناليست رومان پروتاسەۆيچتٸ تۇتقىندادى. ۇشاقتى بۇرۋعا بەلارۋس رەجيمٸنٸڭ باسىندا وتىرعان الەكساندر لۋكاشەنكونىڭ ٶزٸ بۇيرىق بەرگەن.
- رومان پروتاسەۆيچ سوڭعى كەزدەرٸ "بەلارۋس گولوۆنوگو موزگا" تەلەگرام-ارناسىن جٷرگٸزٸپ كەلگەن. ول – الەكساندر لۋكاشەنكوعا قارسى جاپپاي نارازالىق شەرۋلەرٸنەن حابار تاراتقان NEXTA تەلەگرام-ارناسىنىڭ نەگٸزٸن قالاۋشىلاردىڭ بٸرٸ. بەلارۋس بيلٸگٸ بۇل ارنانى ەكسترەميستٸك مەديا دەپ سانايدى. بيلٸك پروتاسەۆيچكە حالىقارالىق ٸزدەۋ جارييالاپ, ونى "تەرروريستەر تٸزٸمٸنە" قوسقان. ول بٸرنەشە جىل بۇرىن قاۋٸپسٸزدٸك ماقساتىندا بەلارۋستەن كەتٸپ قالعان. 23 مامىردا ونىمەن بٸرگە دوسى, ۆيلنيۋستەگٸ ەۋروپا گۋمانيتارلىق ۋنيۆەرسيتەتٸنٸڭ ستۋدەنتٸ سوفييا ساپەگا دا ۇستالعان. 25 مامىردا ول ەكٸ ايعا قامالدى.
