الەكساندر لۋكاشەنكو قىرىم "زاڭ جٷزٸندە" ەرٸ "ٸس جٷزٸندە" رەسەيدٸڭ تەرريتوريياسى دەپ مەلٸمدەدٸ. ونىڭ ايتۋىنشا, لۋكاشەنكو رەسەي پرەزيدەنتٸ ۆلاديمير پۋتينمەن بٸرگە تٷبەكتٸ كٶرٸپ قايتۋعا كەلٸسكەن جەنە بۇل ساپارىن سەۆاستوپولدەن باستاۋعا نيەتتٸ, دەپ جازادى ازاتتىق.
حالىقارالىق قۇقىق بويىنشا, رەسەي 2014 جىلى قىرىمدى ۋكراينادان اننەكسييالاپ العان.
ەلەمدەگٸ كٶپ ەلدٸڭ باسشىلىعى بەلارۋستٸڭ زاڭدى سايلانعان پرەزيدەنتٸ دەپ سانامايتىن الەكساندر لۋكاشەنكو "قىرىم رەفەرەندۋمنان كەيٸن دە-يۋرە رەسەيدٸڭ جەرٸنە اينالدى" دەدٸ. ونىڭ بۇل سٶزٸن بەلارۋستٸڭ بەلتا اگەنتتٸگٸ جارييالادى. بۇل مەلٸمدەمە رەسمي تٷردە بەكٸتٸلە مە, ول تۋرالى ايتىلمايدى.
2014 جىلى ناۋرىزدا قىرىمدا جەدەل تٷردە رەفەرەندۋم ٶتكٸزٸلٸپ, وندا تۇرعىنداردىڭ كٶپشٸلٸگٸ قىرىمدى رەسەيگە قوسۋدى جاقتاعان. حالىقارالىق ۇيىمدار مەن ەلەم مەملەكەتتەرٸ بۇل رەفەرەندۋم نەتيجەسٸن مويىنداۋدان باس تارتقان.
2021 جىلدىڭ تامىزىندا لۋكاشەنكو "رەسەيلٸك سوڭعى وليگارح" تٷبەككە ٶنٸم تاسىمالداي باستاعاندا قىرىمدى رەسەيدٸكٸ دەپ تانيتىنىن ايتقان. حالىقارالىق سانكتسييالاردان قورىققان رەسەيدٸڭ فەدەرالدىق كومپانييالارى اننەكسييالاعان ايماقتا ەلٸ كٷنگە بيزنەس جٷرگٸزبەي كەلەدٸ.
ونىڭ الدىندا لۋكاشەنكو سانكتسييالاردان قورىققاننان جەنە ۋكراينانىڭ بۇرىنعى پرەزيدەنتٸ پەتر پوروشەنكومەن ۋاعدا بولعاندىقتان, قىرىمدى رەسەيدٸكٸ دەپ مويىنداۋدان تارتىناتىنىن ايتقان ەدٸ.
ۋكراينانىڭ جاڭا پرەزيدەنتٸ ۆلاديمير زەلەنسكيي بەلارۋستە بىلتىر تامىزدا ٶتكەن پرەزيدەنت سايلاۋىنىڭ نەتيجەسٸن مويىنداۋدان باس تارتقاننان كەيٸن مينسك پەن كيەۆ اراسى كٷرت ناشارلادى, ال كيەۆ باتىستىڭ مينسكٸگە قارسى سانكتسييالارىنا قوسىلدى.
بەلارۋس وپپوزيتسيياسى دا, باتىس ەلدەرٸ دە لۋكاشەنكو التىنشى مەرزٸمگە سايلاندى دەگەن سايلاۋ نەتيجەسٸن مويىنداۋدان باس تارتتى. ولار داۋىس بەرۋ بارىسىن تەۋەلسٸز باقىلاي وتىرىپ, جاڭا سايلاۋ ٶتكٸزۋگە شاقىردى.
سايلاۋدان كەيٸن ەلدە جاپپاي نارازىلىق باستالدى. لۋكاشەنكو رەجيمٸ ونداعان مىڭ ادام قاتىسقان دەمونستراتسييالاردى كٷشپەن باسىپ تاستادى. مىڭداعان ادام قامالىپ, ساياسي بەلسەندٸلەرگە, اقپارات قۇرالدارىنا قىسىم كٷشەيدٸ. ساياسي وپپوزيتسييا ٶكٸلدەرٸنٸڭ بٸرازى شەتەلگە كەتسە, ەندٸ بٸرازى تٷرلٸ سەبەپتەرمەن تٷرمەگە قامالدى.
