فوتو: اشىق دەرەككٶز
قازاقستان رەسپۋبليكاسى تۋريزم جەنە سپورت مينيسترلٸگٸ قۇمار ويىندارعا تەۋەلدٸلٸك پەن زاڭسىز ويىن بيزنەسٸنٸڭ تارالۋىنا جول بەرمەۋ, حالىقتىڭ تٷرلٸ ساناتتارى اراسىندا الدىن الۋ شارالارىن كٷشەيتۋ جەنە تەۋەلدٸ ازاماتتارعا كەشەندٸ كٶمەك كٶرسەتۋ باعىتىندا اتقارىلىپ جاتقان ٸس-شارالار تۋرالى ەسەپ بەردٸ, دەپ حابارلايدى Ult.kz.
جوسپار 4 نەگٸزگٸ باعىت پەن 28 ناقتى ٸس-شارادان تۇرادى. ونىڭ ٸشٸندە ماڭىزدى باعىتتاردىڭ بٸرٸ – لۋدومانييانىڭ الدىن الۋ. اتالعان باعىت بويىنشا تٶمەندەگٸدەي جٷيەلٸ شارالار ٸسكە اسىرىلۋدا.
رەسپۋبليكالىق دەڭگەيدە جٷرگٸزٸلگەن ەلەۋمەتتٸك زەرتتەۋ بارىسىندا قۇمار ويىندارعا بەيٸمدٸلٸكتٸڭ سەبەپتەرٸ مەن تارالۋ اۋقىمى انىقتالدى. ساۋالناماعا ەلٸمٸزدٸڭ بارلىق ٶڭٸرٸنەن 5 998 ازامات قاتىستى. سونىمەن قاتار ويىن بيزنەسٸ سالاسىنداعى جەنە وعان جاناما قاتىسى بار 20 ساراپشىمەن سۇحباتتار ٶتكٸزٸلدٸ.
زەرتتەۋ نەتيجەلەرٸ بويىنشا ەلٸمٸزدە قۇمار ويىندارعا تەۋەلدٸ ازاماتتاردىڭ بولجامدى سانى انىقتالدى:
- ليتسەنزيياسى بار كازينو مەن ويىن اۆتوماتتارى زالىنا – 459 444 ادام;
- ينتەرنەت-كازينوعا (ەلٸمٸزدە تىيىم سالىنعان) – 484 055 ادام;
- ليتسەنزيياسى بار بۋكمەكەرلٸك كەڭسەلەرگە – 456 276 ادام;
- ليتسەنزيياسى جوق بۋكمەكەرلٸك كەڭسەلەرگە – 494 019 ادام;
- زاڭدى لوتەرەيا ٶنٸمدەرٸنە – 491 710 ادام.
جاستارمەن جەنە جاسٶسپٸرٸمدەرمەن جٷيەلٸ جۇمىس جٷرگٸزٸلۋدە:
وقۋشىلار, ستۋدەنتتەر جەنە جاستاردىڭ باسقا ساناتتارى اراسىندا لۋدومانييانىڭ الدىن الۋ بويىنشا ەدٸستەمەلٸك ۇسىنىمدار ەزٸرلەنٸپ, بٸلٸم بەرۋ ۇيىمدارى مەن مٷددەلٸ مەكەمەلەرگە تاراتىلدى.
بٸلٸم بەرۋ مەكەمەلەرٸندە قىزمەت ەتەتٸن 800-دەن استام پەداگوگ پەن پسيحولوگ ٷشٸن ارنايى وقىتۋ ۇيىمداستىرىلىپ, لۋدومانييامەن كٷرەسۋدٸڭ نەگٸزگٸ تەسٸلدەرٸ تٷسٸندٸرٸلدٸ. 6 000-نان استام مەكتەپ ٶزٸنٸڭ تەربيە جۇمىسىنىڭ جوسپارىنا قۇمار ويىندار مەن ينتەرنەتكە تەۋەلدٸلٸكتٸڭ الدىن الۋعا ارنالعان بٶلٸم ەنگٸزدٸ.
مەكتەپتەر جانىنان اتا-انالاردى پەداگوگيكالىق قولداۋ ورتالىقتارى قۇرىلىپ, 1-11 سىنىپ وقۋشىلارىنىڭ اتا-انالارىنا ارنالعان ارنايى باعدارلاما اياسىندا ايىنا ەكٸ رەت ٶتەتٸن, جالپى سانى 24 ساباقتان تۇراتىن كۋرس قولعا الىندى.
قوعامنىڭ ەرتٷرلٸ توپتارىن قامتيتىن تٷسٸندٸرۋ جەنە اعارتۋ شارالارى:
قازاقستان مۇسىلماندارى دٸني باسقارماسى مەن باسقا دا دٸني بٸرلەستٸكتەردٸڭ قولداۋىمەن قۇمار ويىنداردىڭ زييانى تۋرالى 1 ميلليوننان استام ازاماتتى قامتىعان 4 000-نان استام ٸس-شارا ٶتكٸزٸلدٸ.
عىلىم جەنە جوعارى بٸلٸم مينيسترلٸگٸ جەلٸسٸ بويىنشا 2024 جىلى جاستار اراسىندا سالاماتتى ٶمٸر سالتىن ناسيحاتتاۋعا باعىتتالعان «سالاماتتى ٶمٸر سالتى ٷشٸن!» فلەشموبى, دەنساۋلىق فەستيۆالٸ, «بٸرٸنشٸ كۋرس ستۋدەنتٸ» سپارتاكياداسى سيياقتى 400-دەن استام ٸس-شارا ٶتكٸزٸلدٸ.
قورعانىس مينيسترلٸگٸ تاراپىنان ەسكەري بٶلٸمدەر مەن مەكەمەلەردە 38 دٶڭگەلەك ٷستەل, 7 كونفەرەنتسييا, 14 جينالىس, 16 919 ەسكەري قىزمەتشٸمەن جەكە سۇحبات جەنە ەڭگٸمەلەسۋ ٶتكٸزٸلدٸ.
كەشەندٸ جوسپاردىڭ ورىندالۋى – قۇمار ويىندارعا تەۋەلدٸلٸكتٸڭ الدىن الۋعا, حالىقتىڭ پسيحولوگييالىق دەنساۋلىعىن نىعايتۋعا جەنە سالاماتتى ٶمٸر سالتىن قالىپتاستىرۋعا باعىتتالعان ماڭىزدى قادام.
تۋريزم جەنە سپورت مينيسترلٸگٸ بۇل باعىتتاعى جۇمىستاردى مٷددەلٸ مەملەكەتتٸك ورگاندارمەن, قوعامدىق ۇيىمدارمەن جەنە بٸلٸم بەرۋ مەكەمەلەرٸمەن تىعىز ٶزارا ٸس-قيمىلدا جالعاستىرا بەرەدٸ.
