نۇر-سۇلتان قالاسىنىڭ ەكٸمٸ التاي كٶلگٸنوۆ LRT قۇرىلىسىنىڭ قايتا باستالۋى جٶنٸندە پٸكٸر بٸلدٸردٸ, دەپ حابارلايدى "ۇلت اقپارات".
«يە, قازٸر قۇرىلىس ماۋسىمى جٷرٸپ جاتقاندىقتان, LRT قۇرىلىسى قايتا جانداندى. شارتتار بۇرىنعىداي, جۇمىستار سوعان سەيكەس جٷرگٸزٸلۋدە. بەلسەندٸ جۇمىس جٷرٸپ جاتىر دەپ ايتا المايمىن. بەلسەندٸ جۇمىس قاراجاتتىڭ تٷسۋٸنە قاراي جالعاسادى. قازٸر كونكۋرستىق رەسٸمدەر, بانكتەردٸ تاڭداۋ جٷرٸپ جاتىر. قارجىلاندىرۋ كٶزدەرٸن انىقتاعان سوڭ, جۇمىستاردى جانداندىرامىز», - دەدٸ كٶلگٸنوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, قۇرىلىس-مونتاج جۇمىستارىن جٷرگٸزەردەن بۇرىن تەحنيكالىق ساراپتاما ٶتٸپ جاتىر.
«وعان قوسىمشا قاراجات تارتىلعان جوق, بۇل - ٸشكٸ رەزەرۆتەر. مەردٸگەر كومپانييالار قۇرامىندا قىتايلىق تا, جەرگٸلٸكتٸ سەرٸكتەستەر دە بار. قولدانىستاعى شارت بويىنشا جۇمىستار جٷرگٸزٸلٸپ جاتىر. قارجىلاندىرۋدىڭ قوسىمشا كٶلەمٸن تارتقان كەزدە بەلسەندٸ جۇمىستى باستايمىز. باستاپقىدا 2,6 ميلليارد دوللار بولعان ەدٸ. بٸز ونى 800 ملن دوللارعا تٶمەندەتتٸك جەنە ٷنەمدەدٸك. قازٸر جوبانى اياقتاۋ ٷشٸن شامامەن بٸر ملرد دوللار قاجەت. ۆاگوندار, رەلستەر, ينفراقۇرىلىم. جالپى, قۇرىلىستى تولىق بٸتٸرۋ ٷشٸن وسىنشا قاراجات كەرەك.
بٸز سىرتقى قارىزدارعا كونكۋرس جارييالادىق. بانكتەردٸ انىقتاعاننان كەيٸن قوسىمشا حابارلايمىز. ەگەر ٸشكٸ قارجى نارىعىندا نيەت بٸلدٸرۋشٸلەر بولسا, ولاردى دا قاراستىرامىز. قارجىلاندىرۋ كٶزدەرٸن ٸزدەۋ كونكۋرسى جازدىڭ سوڭىنا دەيٸن اياقتالادى», - دەپ اتاپ ٶتتٸ كٶلگٸنوۆ.
ونىڭ ايتۋىنشا, بۇل رەتتە بٸرىڭعاي جيناقتاۋشى زەينەتاقى قورىنان (بجزق) قاراجات الۋ قاراستىرىلمايدى. "تەك ەكٸنشٸ دەڭگەيلٸ بانكتەر عانا", - دەدٸ ەكٸم.
ەسكە سالساق, مەملەكەت باسشىسى قاسىم-جومارت توقاەۆ نۇر-سۇلتان قالاسىنىڭ ەكٸمدٸگٸندە ٶتكەن مەجٸلٸستە LRT قۇرىلىسى ٸسٸن تەرگەۋدٸ جەدەلدەتۋدٸ تاپسىرعان بولاتىن.
ٸستٸ تەرگەۋ 2020 جىلدىڭ باسىندا اياقتالدى. تەرگەۋ كەزٸندە 10-نان استام ادامنىڭ جاۋاپكەرشٸلٸگٸ تەكسەرٸلدٸ.
سونداي-اق, 3 ادامعا ينتەرپول جەلٸسٸ ارقىلى ٸزدەۋ جارييالانعان.
ٸس سوتقا 2020 جىلدىڭ 2 قازانىندا جولداندى.
سىبايلاس جەمقورلىققا قارسى ٸس-قيمىل اگەنتتٸگٸ 2-دەپارتامەنتٸنٸڭ باسشىسى سەرگەي پەروۆ وسى ٸسكە قاتىستى كٷدٸكتٸ دەپ تانىلعان تالعات اردان مەن قانات سۇلتانبەكوۆتٸڭ قايدا جٷرگەنٸ تۋرالى اقپارات بار ەكەنٸن مەلٸمدەگەن ەدٸ. LRT ٸسٸ بويىنشا 6 ملرد تەڭگەگە جۋىق قارجىنى تالان-تاراجعا سالعاندار 7-10 جىلعا سوتتالدى.
