فوتو: پوليتسييا
اتىراۋ وبلىسىندا جوعالعان بٸر وتباسىعا قاتىستى رەزونانستى ٸس جاڭا كەزەڭگە ٶتتٸ. سانجار ەدٸلوۆ مەجٸلٸس كۋلۋارىندا اتالعان قىلمىس بويىنشا سوڭعى مەلٸمەتتەردٸ جارييا ەتتٸ, دەپ حابارلايدى Ult.kz.
بۇعان دەيٸن ٸٸم باسپاسٶز قىزمەتٸ يندونەزييانىڭ لومبوك ارالىنداعى سەنارۋ اۋىلىندا اتىراۋ وبلىسىندا اسا اۋىر قىلمىس جاسادى دەگەن كٷدٸككە ٸلٸنگەن ەر ادامنىڭ ۇستالعانىن حابارلاعان بولاتىن. كەيٸن ونىڭ بۇرىن حابار-وشارسىز كەتكەن, حالىقارالىق ٸزدەۋگە جارييالانعان بۇرىنعى جۇبايى دا تابىلعانى انىقتالدى.
ۆيتسە-مينيستردٸڭ ايتۋىنشا, كٷدٸكتٸلەردٸ قازاقستانعا قايتارۋ مەسەلەسٸ شەشٸلٸپ جاتىر.
«ولاردى قازاقستان رەسپۋبليكاسىنا قايتارۋ مەسەلەسٸ قارالۋدا. جۇبايلاردىڭ ەكەۋٸ دە كٷدٸكتٸ رەتٸندە تانىلىپ وتىر. ٸز-تٷسسٸز جوعالعان تاعى ەكٸ ادامدى ٸزدەۋ جالعاسۋدا. اتىراۋ وبلىسىندا ارنايى جەدەل-تەرگەۋ توبى جۇمىس ٸستەۋدە», – دەدٸ سانجار ەدٸلوۆ.
قايعىلى وقيعا قالاي ٶربٸدٸ?
قاڭتار ايىنىڭ باسىندا اتىراۋ وبلىسىندا ەرلٸ-زايىپتى مەن ولاردىڭ ەرەسەك بالالارى جۇمباق جاعدايدا جوعالىپ كەتكەنٸ بەلگٸلٸ بولدى. وبلىستىق پوليتسييا دەپارتامەنتٸ ماقسوت قارابالين, نەسٸپ ٶتەشقاليەۆا, ميرامگٷل قارابالينا جەنە ناۋرىز مۇقانعاليەۆكە ٸزدەۋ جارييالاعان ەدٸ.
6 قاڭتار كٷنٸ اتىراۋ وبلىستىق پوليتسييا دەپارتامەنتٸ ەرلٸ-زايىپتىنىڭ ٶلٸ تابىلعانىن مەلٸمدەدٸ. ال ولاردىڭ ۇلى مەن قىزى ەلٸ كٷنگە دەيٸن ٸزدەستٸرٸلٸپ جاتىر.
كەيٸن قۇقىقتىق ستاتيستيكا جەنە ارنايى ەسەپكە الۋ ورگاندارى كوميتەتٸ پورتالىندا كٷدٸكتٸ رەتٸندە سۇلتان سەرسەماليەۆكە قازا تاپقان ەرلٸ-زايىپتىنىڭ كٷيەۋ بالاسىنا قاتىستى اقپارات جارييالاندى. وعان جەنە ونىڭ جۇبايىنا حالىقارالىق ٸزدەۋ جارييالانعان.
تەرگەۋ بارىسىندا پوليتسييا مارقۇم زەينەتكەرلەردٸڭ دەنەسٸندە پىشاق جاراقاتتارى بولعانىن حابارلادى. بۇل دەرەك ٸستٸڭ قاساقانا جاسالعان قىلمىس ەكەنٸن ايقىنداي تٷسەدٸ.
تەرگەۋ جالعاسۋدا
قازٸر قىلمىستىق ٸس بويىنشا تەرگەۋ امالدارى جالعاسىپ جاتىر. كٷدٸكتٸلەر قازاقستانعا ەكستراديتسييالانعاننان كەيٸن ٸستٸڭ جاڭا قىرلارى اشىلۋى مٷمكٸن.
بۇل ٸس قوعامدا ٷلكەن الاڭداۋشىلىق تۋعىزدى. قوس زەينەتكەردٸڭ قازا تابۋى, بالالارىنىڭ ٸز-تٷزسٸز جوعالۋى جەنە كٷدٸكتٸلەردٸڭ شەتەلدەن تابىلۋى وقيعانىڭ اۋقىمى مەن كٷردەلٸلٸگٸن كٶرسەتەدٸ.
