نۇر-سۇلتان قالاسىنىڭ باس سانيتار دەرٸگەرٸ سارحات بەيسەنوۆا ەلوردادا قۇربان ايت ٶتكٸزۋ تالاپتارىن تٷسٸندٸردٸ, دەپ حابارلايدى قازاقپارات.
«كوروناۆيرۋس پاندەميياسىنا بايلانىستى بۇقارالىق ٸس-شارالار ٶتكٸزۋدٸڭ شەكتەلۋٸنە وراي, بيىل قالا مەشٸتتەرٸندە مەرەكەلٸك ايت نامازى ٶتكٸزٸلمەيدٸ. مۇنداي شارالار حالىق اراسىندا كوروناۆيرۋس ينفەكتسيياسىن ودان ەرٸ بولدىرماۋ ٷشٸن قابىلداندى. بٸز كٷن سايىن ينفەكتسييالىق جاعدايدىڭ كٶپتەپ تٸركەلەتٸنٸن كٶرەمٸز. بارلىق تۇرعىنداردى اسا قاجەتتٸلٸكسٸز ادام كٶپ جينالاتىن ورىندارعا بارماۋعا شاقىرامىن», - دەدٸ سپيكەر نۇر-سۇلتان قالاسى ەكٸمدٸگٸندەگٸ بريفينگتە.
سونىمەن بٸرگە, باس سانيتار دەرٸگەر ارالاساتىن ادامداردىڭ قاتارىن شەكتەپ, ٷيگە كٸسٸ شاقىرماۋعا جەنە قوناققا بارماۋعا كەڭەس بەردٸ.
«ەگەر كوروناۆيرۋس ينفەكتسيياسىنىڭ ٶسۋ ديناميكاسى تٶمەندەمەسە, ازاماتتار مەن كەسٸپكەرلٸك سۋبەكتٸلەر تاراپىنان قاتاڭ سانيتارلىق نورمالارى ساقتالمايتىن بولسا, بٸز لوكداۋنعا ورالۋعا مەجبٷر بولامىز. ەلورداداعى ەپيدەميولوگييالىق جاعداي كٶبٸنە ٶزٸمٸزگە بايلانىستى ەكەنٸن تٷسٸنۋ ماڭىزدى. سوندىقتان بٸز ۆاكتسينالاۋ ارقىلى عانا اۋرۋدىڭ ٶسۋٸنە قارسى تۇرا الامىز. ۆاكتسيناتسييا – ەڭ الدىمەن, ٶزٸڭٸز ارالاساتىن جاقىندارىڭىز بەن جۇمىس ٸستەيتٸن ادامدار الدىنداعى, وتباسى مەن تۋعان-تۋىس الدىنداعى جاۋاپكەرشٸلٸك. تەك جاپپاي ۆاكتسينالاۋ عانا پاندەمييانى جەڭۋگە جەنە قالىپتى ٶمٸرگە ورالۋعا كٶمەكتەسەتٸنٸن ۇمىتپايىق», - دەدٸ سارحات بەيسەنوۆا.
