رەسمي كيەۆ دونباسستا بەيبٸتشٸلٸك ورناتۋعا قاتىستى بٸرنەشە مەلٸمدەمە جاسادى. بۇعان قوسا ۋكراينا پرەزيدەنتٸ ۆلاديمير زەلەنسكيي بٸر جىلدا سول جەردەگٸ شيەلەنٸستٸ شەشۋگە ۋەدە بەردٸ. ٶز ەگەمەندٸگٸن جارييالاعان لۋگانسك حالىق رەسپۋبليكاسىنىڭ باسشىسى لەونيد پاسەچنيك ەل بۇل ۋەدەلەردٸ قالاي قابىلداعانىن ايتىپ بەردٸ.
"بٸز دونباسستا بەيبٸتشٸلٸك ورناتۋعا قاتىستى قانداي دا بٸر جاڭا جوسپارلار جايلى ەستٸپ جاتامىز. بۇل - جاڭا ساياسي سەننٸڭ بٸر بٶلٸگٸ ٸسپەتتٸ. بۇرىن ۋكراينا ساياساتكەرلەرٸ دونباسس حالقىن جويۋ ەدٸستەرٸن سۋرەتتەگەندە الدىنا جان سالمايتىن. ودان كەيٸن ۋكراينا بولاشاعىنا قاتىستى ٶز ويلارىن ايتتى. ال ەندٸ كٷزدە شيەلەنٸستٸ رەتتەۋ جوسپارىن ۇسىنۋ ۋاقىتى كەلدٸ", - دەدٸ لەونيد پاسەچنيك ريا نوۆوستي اگەنتتٸگٸنە بەرگەن سۇحباتىندا.
لۋگانسك حالىق رەسپۋبليكاسى باسشىسىنىڭ ايتۋىنشا, ەر سانالى ادام ۋكراينا "مينسك فورماتىنان" اتتاپ ٶتە المايتىنىن تٷسٸنەدٸ.
"باسقا امال مەن جول ٸزدەپ, تٷرلٸ سىلتاۋ ويلاپ تاۋىپ, "نورماند فورماتى" تاقىرىبىندا قالجىڭداي سالۋ ەندٸ قولدان كەلمەيدٸ. شارالار كەشەنٸ – بۇل وقۋ مەن ەستە ساقتاۋعا بولاتىن اكسيوما. وندا بارلىعى تٷسٸنٸكتٸ ەتٸپ, رەتٸمەن جازىلعان. سوندىقتان زەلەنسكييگە ٶزٸ ٷشٸن باسقالار ويلاپ, جازىپ بەرگەن نۇسقاۋدى رەت-رەتٸمەن ورىنداۋ جەتكٸلٸكتٸ بولىپ تۇر. ەگەر ٸستەي السا – بەيبٸتشٸلٸك ورنايدى, ٸستەي الماسا – ٷمٸت سىيلاعان پرەزيدەنت بوپ قالا بەرەدٸ", - دەپ سەنٸممەن ايتتى پاسەچنيك.
مينسك فورماتى
مينسك كەلٸسٸمدەرٸن ورىنداۋ بويىنشا كەشەندٸ شارا 2015 جىلعى 11-12 اقپاندا مينسكتە ٶتكەن سامميتتە كەلٸسٸلگەن. ول بويىنشا گەرمانييا, فرانتسييا, ۋكراينا مەن رەسەي باسشىلارى "نورماند تٶرتتٸگٸ" فورماتىندا كەلٸسٸمگە كەلگەن بولاتىن. قۇجات ماقساتى – ۋكراينا شىعىسىنداعى قارۋلى قاقتىعىستى رەتتەۋ.
