ليساكوۆ قالاسىنداعى كٶپپەتەرلٸ ٷيلەردٸڭ بٸرٸندە جارىلىس بولىپ, سالدارىنان ٸرگەلەس پەتەرلەردٸڭ اراسىنداعى قابىرعا قيرادى, دەپ حابارلايدى "ۇلت اقپارات" قوستاناي وبلىسىنىڭ تجد باسپاسٶز قىزمەتٸنە سٸلتەمە جاساپ.
تٶتەنشە جاعداي ماماندارى گازدىڭ سىرتقا بٶلٸنۋٸنە, سونىڭ سالدارىنان بولعان جارىلىسقا پەتەر يەلەرٸنٸڭ نەمقۇرايدىلىعى, پەشتە تۇرعان تاماقتى قاراۋسىز قالدىرۋ سەبەپ بولعانىن ايتادى.
«وقيعا ورنىنا كەلگەن بويدا اس ٷيدەگٸ 3 شارشى مەتر اۋداندى ٶرت شالعانى بەلگٸلٸ بولدى. ٶرت اس ٷي پليتاسىندا تاماق پەن سۋدى قاراۋسىز قالدىرۋدىڭ كەسٸرٸنەن تۇتانعان. ٶرت سالدارىنان سىرتقا گاز بٶلٸنٸپ, گازدى اۋا قوسپاسى جارىلعان. دٷمپۋ كەسٸرٸنەن ٸرگەلەس ەكٸ پەتەردٸڭ اراسىنداعى گيپس قابىرعانىڭ 13 شارشى مەترٸ قيرادى», - دەپ جازادى دەپارتامەنتتٸڭ باسپاسٶز قىزمەتٸ.
