ارگەنتينالىق فۋتبولشى, ەلەم چەمپيونى ليونەل مەسسيدٸڭ ەكەسٸ ەرٸ ۇزاق جىلدار بويى ونىڭ ٶكٸلٸ بولعان حورحە مەسسي 68 جاسىندا قايتىس بولدى, دەپ حابارلايدى ult.kz.
ارگەنتينالىق Infobae باسىلىمىنىڭ مەلٸمەتٸنشە, حورحە مەسسي 7 تامىز كەشٸندە تۋعان جەرٸ روساريو قالاسىنداعى كلينيكادا كٶز جۇمعان. ول سوڭعى ايلاردا اۋىر دەرتپەن كٷرەسٸپ, دەرٸگەرلەردٸڭ باقىلاۋىندا بولعان. ونىڭ ناقتى دياگنوزى جارييالانعان جوق.
حورحە مەسسي ۇلىنىڭ فۋتبولداعى مانسابىندا ماڭىزدى رٶل اتقاردى. ول ليونەلدٸڭ كەسٸبي سپورتتاعى العاشقى قادامدارىنان باستاپ جانىندا بولىپ, ونىڭ ٶكٸلٸ ەرٸ اگەنتٸ قىزمەتٸن اتقاردى.
ليونەل مەسسي بالا كەزٸندە ٶسۋ گورمونىنىڭ تاپشىلىعىنا بايلانىستى ەم قابىلداعان. ەم-دوم شىعىنى وتباسى ٷشٸن ايتارلىقتاي قارجىلىق سالماق تٷسٸرگەن. حورحە ۇلىنىڭ ەمدەلۋٸن جالعاستىرۋعا مٷمكٸندٸك ٸزدەپ, ونىڭ فۋتبولداعى بولاشاعىن ساقتاپ قالۋعا كٷش سالعان.
كەيٸن حورحە مەسسي ۇلىنىڭ يسپانيياعا كٶشۋٸ مەن «بارسەلونا» اكادەميياسىنا قابىلدانۋىندا دا ماڭىزدى رٶل اتقاردى. ليونەل 13 جاسىندا يسپانيياعا اتتانىپ, سول جەردە ەلەمدٸك فۋتبول جۇلدىزىنا اينالدى.
ماۋسىم ايىندا حورحە مەسسيدٸڭ دەنساۋلىعىنا قاتىستى اقپارات تاراعان بولاتىن. سول كەزدە فۋتبولشىنىڭ وتباسى ونىڭ دەنساۋلىعىندا كٷردەلٸ مەسەلەلەر بارىن راستاعانىمەن, جالعان اقپاراتتاردىڭ تاراۋىنا بايلانىستى جۇرتشىلىقتان سابىر ساقتاۋدى سۇراعان.
2026 جىلعى ەلەم چەمپيوناتى اياقتالعاننان كەيٸن ليونەل مەسسي ارگەنتيناعا ەكەسٸنٸڭ قاسىندا بولۋ ٷشٸن بارعان. ارادا كٶپ ۇزاماي حورحە مەسسيدٸڭ قايتىس بولعانى بەلگٸلٸ بولدى.
