حالىقارالىق ەۋەسقوي بوكس فەدەراتسيياسى (AIBA) ريوداعى وليمپيادا ويىندارىنان شەتتەتٸلگەن تٶرەشٸلەردٸڭ ەسٸمٸن جارييالادى, - دەپ حابارلايدى "چەمپيونات".
شەتتەتٸلگەن تٶرەشٸلەردٸڭ قاتارىندا قازاقستاندىق راقىمجان رىسباەۆ تا بار. سونداي-اق, ميك بەيسي (ۇلىبريتانييا), حەيرا سيدي ياكۋب (الجير), مايكل گاللاحەر (يرلاندييا), ماريۋش گورنيي (پولشا), حەراردو پوگگي (ارگەنتينا) مەن ۆلاديسلاۆ مالىشەۆ (رەسەي) وليمپيادادان شەتتەتٸلدٸ.
ايتا كەتەيٸك, شەتتەتٸلگەن ٷش قازى ۆاسيليي لەۆيت پەن رەسەيلٸك ەۆگەنيي تيششەنكونىڭ فينالداعى جەكپە-جەگٸندە بولعان ەدٸ. وندا پوگگي رينگتە تٶرەشٸ بولسا, ياكۋب پەن گاللاحەر قازى رەتٸندە قىزمەت ەتتٸ. جەڭٸستٸ تيششەنكوعا بەرۋ تۋرالى شەشٸمدٸ جاكٷيەرلەر مەن ماماندار سىنعا العان بولاتىن.
سونىمەن قاتار, ياكۋب ۆلاديمير نيكيتين مەن مايكل كونلاننىڭ داۋلى جەكپە-جەگٸندە تٶرەشٸ بولعان. وندا دا جەڭٸستٸ رەسەيلٸك ازاماتقا بەردٸ. سول كەزدە يرلاندييالىق بوكسشى تٶرەشٸگە ورتاڭعى ساۋساعىن كٶرسەتٸپ, AIBA ۇيىمىن قانشالىقتى سىبايلاسقان پاراقورلار ەكەنٸن ايتتى. "ولار - جولى بولماعان جەكسۇرىندار. ەۋەسقوي بوكستىڭ ساۋداسى بٸتكەن. مەن ەندٸ AIBA اتىنان ەش ۋاقىتتا شىقپايمىن. مەن مۇندا التىن الۋ ٷشٸن كەلدٸم, بٸراق مەنٸڭ ارمانىمنىڭ كٷل-تالقانىن شىعاردى. مەن جولى بولماعان ادام ەمەسپٸن, مەن جەڭٸمپازبىن. بٷگٸنگٸ جەكپە-جەك وسى ۇيىمنىڭ قانشالىقتى سىبايلاسقان پاراقورلار ەكەنٸن كٶرسەتتٸ", - دەگەن ەدٸ كونلان.
ايتا كەتەيٸك, جەكپە-جەكتٸڭ نەتيجەلەرٸ قايتا قارالمايتىن بولدى. وليمپيادا ويىندارىندا ەشكٸمنٸڭ اپەللياتسيياعا بەرۋگە قۇقىعى جوق ەكەن.
